అవినీతి రారాజు జగన్ అధికారంలోకి రావొద్దని ఏపీ ప్రజలు కోరుకుంటున్నారంటున్నారు టీడీపీ అధికార ప్రతినిధి యామిని సాధినేని. తన కుమారుడికి ఒక్క ఛాన్స్ ఇవ్వాలని వైఎస్ విజయలక్ష్మి కోరుతున్నారని.. ఒక్క ఛాన్స్ ఇచ్చి రాష్ట్రంలో యువత, పిల్లల్ని జైలు పాలు చేసుకోవాలా అని ప్రశ్నించారు. జగన్ కుటుంబం మొత్తం తేడానే.. ఏదో మానసిక వ్యాధి ఉందంటూ ఘాటు వ్యాఖ్యలు చేశారు. శనివారం మీడియాతో మాట్లాడిన యామిని.. జగన్, షర్మిల, విజయమ్మల్ని టార్గెట్ చేశారు. పులికాట్ సరస్సుకు కొన్ని వలస పక్షులు వస్తూ పోతుంటాయని.. వైఎస్ కుటుంబ సభ్యులు కూడా అలాగే వచ్చిపోతుంటారని ఎద్దేవా చేశారు యామిని. ఎన్నికలకు ముందే రాష్ట్రం గుర్తొస్తుందని.. ప్రచారం చేసి మళ్లీ కనిపించకుండా పోతారన్నారన్నారు. మామూలుగా కుటుంబంలో ఒకరో ఇద్దరో తేడా అనుకున్నామని.. కానీ కుటుంబం మొత్తం మానసిక ప్రవర్తన తేడాగా ఉందన్నారు. షర్మిల, విజయమ్మలు నోటికొచ్చింది మాట్లాడుతున్నారని.. పసుపు-కుంకమ పథకంపై మాట్లాడే హక్కు లేదన్నారు. ఈ పథకంపై విమర్శలు చేస్తే కోటిమంది మహిళలు క్షమించరన్నారు. ఎన్నికల సమయంలో కుటుంబ సభ్యుల్ని జగన్ రోడ్డుపైకి తీసుకొస్తున్నారని విమర్శించారు యామిని. అవసరం తీరిపోయాక మళ్లీ ఇంట్లో కూర్చోబెడతారని.. వారి ధీన స్థితి చూసి జాలిపడాల్సి వస్తోందన్నారు. జగన్‌కు ఒక్క అవకాశం ఇవ్వాలని షర్మిల, విజయమ్మ కోరుతున్నారు.. మళ్లీ రాష్ట్రంలో అవినీతి తాండవం చేయాలన్నది వారి లక్ష్యమా అని ప్రశ్నించారు. రాష్ట్రంలో యువకుల్ని, ప్రజల్ని రోడ్లపైకి ఈడ్చడానికా.. జైలు పాలు చేయడానికా అని యామిని అన్నారు . అవినీతి ముద్దుబిడ్డ జగన్ రాష్ట్రానికి ఓ దౌర్భాగ్యమని.. అధికారుల్ని, స్నేహితుల్ని జైలుకు పంపిన ఘనత ఆయనదే అన్నారు. కాంగ్రెస్ హయాంలో జగన్ అరాచకలు భరించలేక.. ఆయన్ను తండ్రి వైఎస్ బెంగళూరు పంపించారన్నారు.