యువ్ న్యూస్ పొలిటికల్ బ్యూరో:
విలేకరుల సమావేశంలో పోలవరం ప్రాజెక్టు నిర్మాణ పనుల వీడియోను చూపిస్తున్న శివాజీ అందులో మాట్లాడుతూ.. పోలవరం ఓ ఇంజినీరింగ్ అద్భుతమని పేర్కొన్నారు. ఈ సందర్భంగా తెలంగాణ ముఖ్యమంత్రి కేసీఆర్‌పై సంచలన వ్యాఖ్యలు చేశారు. ఈ సమయంలో ప్రజలు సరైన నిర్ణయం తీసుకోకుంటే కేసీఆర్ దీనిని ఆపివేయడం ఖాయమన్నారు. ఈ విషయంలో ఎటువంటి సందేహం లేదని, కేసీఆర్ ఎట్టిపరిస్థితుల్లోనూ ఆపి తీరుతారని స్పష్టం చేశారు. తనకు అనుకూలంగా వచ్చే వారి కోసం కేసీఆర్ ఎంతైనా ఖర్చు చేస్తారని, ఈ మహాయజ్ఞంలో కేసీఆర్ నీరు పోస్తారని సంచలన ఆరోపణలు చేశారు.