ప్రముఖ నటి  శ్రీదేవి మృతిపై విభిన్న కథనాలతో జరుగుతున్న విస్తృత ప్రచారం పరంపరలో  ఆమె ఇంట్లో డాగ్ స్క్వాడ్ తనిఖీల వార్త కలకలం రేపుతుంది. శ్రీదేవి భౌతిక కాయం  ఇంకా ఇంటికి రాకముందే ఈ  తనిఖీలు నిర్వహించాల్సిన అవసరమేంటన్న సందేహాలు సర్వత్రా వ్యతికమవుతున్నాయి.. తనిఖీల వెనక ఉన్న ఉద్దేశం ఏమిటంటూ ఆరా తీస్తున్నారు. దుబాయ్ నుంచి వచ్చిన ఆదేశాల మేరకే ఈ తనిఖీలు నిర్వహించారా? లేక, శ్రీదేవి మృతిపై క్షణక్షణానికి పెరుగుతున్న అనుమానాల నేపథ్యంలో ముంబై పోలీసులే ఈ తనిఖీలు నిర్వహించారా? అన్న అనుమానాలు రేకెత్తుతున్నాయి. అయితే ఈ విషయంలో మరింత స్పష్టత రావాల్సి ఉంది. మరో పక్క తమ అభిమాన నటి పార్థివదేహాన్ని కడసారి చూసేందుకు అభిమానులు కూడా పెద్ద ఎత్తున ఆమె ఇంటికి చేరుకుంటున్నారు.  ఈ క్రమంలో తెలుగు, తమిళ చిత్రరంగాలకు చెందిన ప్రముఖులతోపాటు పలువురు ముంబై చేరుకున్నారు. దీంతో శ్రీదేవి ఇంటి పరిసర ప్రాంతాలు జనసమ్మర్థంగా మారాయి.