మరోసారి ప్రముఖ కథానాయకుడు అక్కినేని నాగార్జున, సంచలనాలకు కేరాఫ్ అడ్రస్ అయిన రాంగోపాల్ వర్మ కాంబినేషన్లో కొత్త సినిమా రాబోతుంది.  గతంలో వీరి కాంబినేషన్ లో  వచ్చిన 'శివ'ను మించి ఉంటుందని వర్మ ముందు నుంచి ఊరిస్తూ వస్తున్నారు. ఈ సినిమాకి వర్మ ఎలాంటి టైటిల్ పెడతారోననే విషయంలో ఆందరిలోను ఆసక్తి వుంది. నాగార్జున ఈ సినిమాలో సిన్సియర్ పోలీస్ ఆఫీసర్ గా నటిస్తున్నారు.

అందువలన కథ ప్రకారం ఈ సినిమాకి 'ఆఫీసర్' అనే టైటిల్ ను వర్మ ఖరారు చేశాడనేది తాజా సమాచారం. ఈ సినిమాతో తెలుగు తెరకి 'మైరా సరీన్' కథానాయికగా పరిచయమవుతోంది. త్వరలోనే టైటిల్ ను అధికారికంగా ఎనౌన్స్ చేసే ఆలోచనలో వున్నారు కాగా  వర్మ  ఈ సినిమాను చిత్రీకరిస్తున్నాడు. కొన్ని రోజులుగా ఈ సినిమా షూటింగ్ ముంబైలో జరుగుతోంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరిస్తున్నారు. నాగార్జున కథానాయకుడిగా వర్మ దర్శకత్వంలో ఒక సినిమా రూపొందుతోంది.