కర్నూలు జిల్లాలోని కోసిగిలో బాంబుల కలకలం చోటుచేసుకుంది. టీడీపీ నాయకుడు, ఆంజనేయస్వామి ఆలయ అధ్యక్షుడు అయ్యన్న ఇంటి కాంపౌండ్ లో బాంబులు ఉన్నాయని గుర్తుతెలియని వ్యక్తులు ఇచ్చిన సమాచారం మేరకు మంగళవారం మధ్యాహ్నం కోస్గి పోలీసులు సోదాలు నిర్వహించారు. ఈ సోదాల్లో అయ్యన్న ఇంటి నివాసం ముందు కాంపౌండ్ లో ఓ స్కూల్ బ్యాగులో బాంబులు ఉండటాన్ని పోలీసులు గుర్తించారు. అనంతరం వాటిని నీళ్ళ బకెట్ లో వేసుకొని పోలీస్ స్టేషన్ కు తరలించారు. ప్రస్తుతం ఆ బాంబులు అక్కడికి ఎలా వచ్చాయి, వీటి వెనుక ఉన్న వ్యక్తి ఎవరనే కోణంలో పోలీసులు దర్యాప్తు కొనసాగిస్తున్నారు.