ఏపీలో తీవ్ర ఉత్కంఠ నడుమ రేపు ఎన్నికలు ఎన్నికలు జరగబోతున్నాయి. టీడీపీ, వైసీపీ, జనసేన త్రిముఖ పోరులో జగన్, చంద్రబాబు, పవన్‌లు నువ్వా నేనా అంటూ ఎన్నికల సంగ్రామంలో పోటీ పడగా ఓటరు  తన ఓటుతో తీర్పు ఇవ్వబోతున్నాడు. కాగా ఇప్పటికే ఏపీ ఎన్నికల్లో ఓటు హక్కును వినియోగించుకునేందుకు దూర ప్రదేశాల నుండి ఓటర్లు తమ సొంత ఊర్లకు చేరుకున్నారు. ఇక సామాన్య ఓటర్లే కాకుండా.. సెలబ్రిటీలు సైతం తమ ఓటు హక్కును వినియోగించుకునేందుకు ఏపీకి పయనం అయ్యారు. కాగా.. బజర్దస్త్ యాంకర్ రష్మి గౌతమ్ తన ఓటు హక్కును వినియోగించుకునేందుకు వైజాగ్‌ వెళ్లగా.. ఆమెకు నిరాశ ఎదురైంది. ఈ సందర్భంగా తనకు ఎదురైన అనుభవాన్ని సోషల్ మీడియాలో పంచుకుంది. ‘నేను నా తల్లి ఓటు వేయడం కోసం వైజాగ్ వెళ్లాము. అయితే మా ఓట్లకి సంబంధించిన స్లిప్‌కాని.. లిస్ట్ కాని ఇంతవరకూ అందలేదు. ఎప్పటి నుండో తను విశాఖపట్నంలోనే ఉంటున్నాము.. ఓటర్ ఐడీ ఇక్కడే ఉంది.. అయితే మాతో పాటు ఆ ఏరియాలోని ఎవరికీ ఓటర్ స్లిప్పులు అందలేదు’ అని వాపోతుంది రష్మి. పోనీ ఆన్ లైన్‌లో సమాచారం తెలుసుకుందాం అంటే ఎలక్షన్ కమీషన్ వెబ్ సైట్ అందుబాటులో లేదంటూ ఆ సైట్ స్క్రీన్ షాట్స్ సోషల్ మీడియాలో పోస్ట్ చేసింది. రష్మితో పాటు చాలా మంది తమ ఓటు వివరాలను తెలుసుకోవాలనుకునే వాళ్లకు ఇదే అనుభవం ఎదురౌతోంది