తెలుగు రాష్ట్రాలతో పాటు.. దేశ వ్యాప్తంగా తొలి విడత ఎన్నికల పోలింగ్ కొనసాగుతోంది. మొత్తం 18 రాష్ట్రాలు, రెండు కేంద్ర పాలిత ప్రాంతాల్లో నేడు పోలింగ్‌ జరుగుతోంది. పలు ప్రాంతాల్లో ప్రశాంతంగా ఓటింగ్ జరుగుతుంటే.. మరికొన్ని సమస్యాత్మక ప్రాంతాల్లో హింసాత్మకంగా పోలింగ్ జరుగుతుంది. ఇక దేశ వ్యాప్తంగా జరుగుతున్న ఈ ఎన్నికల్లో సినిమా స్టార్లు ఎన్నికల ప్రచారంలో పాల్గొని ప్రత్యేక ఆకర్షణగా నిలిచారు. అయితే కాంగ్రెస్ తరుపున బెంగుళూరులో ప్రచారం నిర్వహించిన సీనియర్ నటి ఖుష్బూకి చేదు అనుభవం ఎదురైంది.  బెంగుళూరు సెంట్రల్ కాంగ్రెస్ పార్టీ అభ్యర్ధి రిజ్వాన్‌కి మద్దుతుగా ప్రచారం నిర్వహించారు. ప్రచారం ముగించుకుని కారు ఎక్కేందుకు వెళ్తున్న ఖుష్బూని కార్యకర్తలు చుట్టిముట్టి పూలుజల్లుతూ హడావుడి చేశారు. చాలా మంది కార్యకర్తలు ఆమెను చుట్టుముట్టడంతో ఇదే అదునుగా భావించిన ఓ కార్యకర్త ఖుష్భూతో అసభ్యకరంగా ప్రవర్తిస్తూ ఆమె ప్రైవేట్ పార్ట్స్‌ని తాకే ప్రయత్నం చేశాడు. దీంతో అలర్ట్ అయిన ఖుష్భూ.. వెనక్కి తిరిగి వచ్చి మరీ.. ఆ వ్యక్తిని పట్టుకుని చెంప చెళ్లుమనిపించింది.. జనం మధ్యలో కాలర్ పట్టుకుని వీర కుమ్ముడు కుమ్మేసి ఉగ్రరూపం దాల్చింది ఖుష్బూ.