వర్మ తలతిక్కోడు.. పిచ్చోడు.. నోటికి ఏం వస్తే అది మాట్లాడేస్తాడు అనే ప్రచారం ఇండస్ట్రీలో ఉంది. ఎవరు ఏమనుకున్నా.. తాను నమ్మిన సిద్ధాంతం ప్రకారం ‘నా ఇష్టం’ అంటూ తన పని తాను చేసుకుపోతుంటాడు వర్మ. సినిమాల పరంగానే కాకుండా.. బయట కూడా వర్మ చాలా డిఫరెంట్. తన అభిప్రాయాన్ని ఎవరు ఏమనుకున్నా సరే.. కుండబద్దలు కొట్టినట్టు చెప్పేస్తాడు. తాజాగా ఆయన దర్శకత్వం వహించిన ‘లక్ష్మీ ఎన్టీఆర్’ చిత్రం ప్రమోషన్స్‌లో భాగంగా ఈ యూ ట్యూబ్ ఛానల్‌కి ఇంటర్వ్యూ ఇచ్చిన వర్మ ఆ కార్యక్రమ యాంకర్‌పై నాటీ కామెంట్స్ చేశారు. చూడగానే ఆకర్షించే రూపం ఉన్న ఆమెను చూసి మనసు పారేసుకున్న వర్మ.. మనసులో మాటను దాచుకోకుండా బయటపెట్టేశారు. ఇంటర్వ్యూ ముగించే సమయంలో వర్మకు థాంక్స్ చెప్పిన యాంకర్‌ని ఉద్దేశించి.. మీరు చాలా బ్యూటిఫుల్‌గా ఉన్నారు. నన్ను ఇంటర్వ్యూ చేసిన వాళ్లందరికంటే మీరు చాలా అందంగా ఉన్నారు అనేశారు. ఇక వర్మ పొగడ్తలకు పొంగిపోయిన ఆ యాంకర్.. తెగ సిగ్గుపడిపోతూ.. త్వరలో మీతో మరో ఇంటర్వ్యూ తీసుకుంటా. అందులో అన్ని విషయాలు చర్చిద్దాం అనేసింది. దీంతో వర్మ.. హో తప్పకుండా... నీకు ఎలాంటి ఇంటర్వ్యూ కావాలన్నా ఇస్తా.. ఎనీ ఇంటర్వ్యూ కేవలం నీకు మాత్రమే ఇస్తా. ఎందుకంటే ఆ టైమ్‌లో నేను మీ ఫేస్‌ని చూస్తూ ఉండొచ్చు అనేశాడు. దీనికి యాంకర్ మళ్లీ సిగ్గుమొగలు తొడిగిస్తే.. పెళ్లి పీటలపై కొత్త పెళ్లి కూతురి సిగ్గుని మరిపించింది. ప్రస్తుతం ఈ వీడియో యూట్యూబ్‌లో వైరల్ అవుతుంది. వర్మ పొగడ్తలు.. యాంకర్ సిగ్గు మొగ్గలను దాదాపు 3 లక్షల మంది చూశారు.