తెలంగాణ ముఖ్యమంత్రి కేసీఆర్‌కు తృటిలో  ప్రమాదం తప్పింది. మంగళవారం ఆదిలాబాద్ పర్యటనకు ఆయన బయలుదేరిన హెలికాప్టర్‌లోని ఓ విహెచ్ఎఫ్ కమ్యూనికేషన్ సెట్‌ ఉన్న బ్యాగు నుంచి ఉదయం 10.30 గంటల ప్రాంతంలో పొగ రావడం గుర్తించారు. వెంటనే అప్రమత్తమైన భద్రాతా సిబ్బంది ఆ బ్యాగును చాకచక్యంగా బయట పడేశారు. ఈ ఘటనపై ఆయన తనయుడు, రాష్ట్ర ఐటీ శాఖ మంత్రి కేటీఆర్ ట్వట్టర్‌లో స్పందించారు. ఇదే విషయాన్ని ముఖ్యమంత్రి కార్యాలయాన్ని తాను ఫోన్‌లో సంప్రదించానని, సీఎంకి ఎలాంటి ప్రమాదం జరగలేదని ఆయన చెప్పారు. సీఎం తన ఆదిలాబాద్ పర్యటనను కొనసాగిస్తారని కేటీఆర్ తెలిపారు.