ఝార్ఖండ్ లో ని గిరిదీహ్ అడవుల్లో ఎదురుకాల్పులు జరిగాయి.  మావోయిస్టులు, సీఆర్పీఎఫ్ జవాన్లకు మధ్య జరిగిన ఎన్ కౌంటర్ లో  ముగ్గురు నక్సల్స్  మృతి చెందారు. ఈ ఘటనలో ఒక జవాను ప్రాణాలు కోల్పోయారు. సార్వత్రిక ఎన్నికల దృష్ట్యా గిరిదీహ్ జిల్లా బెల్బాఘాట్ అటవీ ప్రాంతంలో సీఆర్పీఎఫ్ ఏడో బెటాలియన్  చెందిన జవాన్లు తనిఖీలు చేపట్టారు. ఈ క్రమంలో జవాన్లపైకి మావోయిస్టులు కాల్పులు జరిపారు. దీంతో భద్రతాసిబ్బంది ఎదురుకాల్పులు జరిపి ముగ్గురు నక్సల్స్  హతమార్చారు. ఘటనాస్థలంలో ఒక ఏకే-47 రైఫిల్, 3 బులెట్ మ్యాగజైన్లు, 4 పైపు బాంబులను స్వాధీనం చేసుకున్నారు. మావోయిస్టుల కాల్పుల్లో ఓ జవాను ప్రాణాలు కోల్పోయారు. ఈ నేపధ్యంలో ఘటనాస్థలంలో ముమ్మర గాలింపు చేపట్టారు.