ఏపీ ఎన్నికల ఫలితాలపై సర్వత్రా ఆసక్తి నెలకొంది. ఎన్నికలకు ఫలితాలకు మధ్య 41 రోజుల వ్యవధి ఉండటంతో ఈ ఉత్కంఠ అంతకంతకూ ఎక్కువ అవుతోంది. త్రిముఖ పోరులో ఎవరి లెక్కల్లో వాళ్లు ఉన్నారు. మళ్లీ అధికారం మాదే అంటూ టీడీపీ అంటుంటే.. బై బై బాబు జగన్ బాబు సీఎం అంటూ వైసీపీ ధీమా వ్యక్తం చేస్తుంది. ఇక పవన్ కళ్యాణ్ కూడా నేనే సీఎం అంటూ లెక్కలు కడుతున్నారు. ఈ త్రిముఖ పోరులో గెలుపు మాదే అంటున్నారు వైసీపీ నేత, కమెడియన్ పృథ్వీ.ఓ యూట్యూబ్ ఛానల్కి ఇచ్చిన ఇంటర్వ్యూ ఆయన మాట్లాడుతూ.. ఈ ఎన్నికల్లో ఒక్క మంత్రి కూడా గెలవడు అంటూ సవాల్ చేశారు పృథ్వీ. ఈ సందర్భంగా ఆయన మాట్లాడుతూ.. తెలుగుదేశం పార్టీ వాల్లు ఓటమి భయంతో లేనిపోని ఆరోపణలు చేస్తుంది. వాళ్లకు నిజంగా 130 సీట్లు వస్తాయి అన్నప్పుడు ఫేస్లో కళ ఏది. ముఖాలు మాడిపోయినట్టు ఉన్నాయి.మంగళగిరిలో నారా లోకేష్ ఘోరంగా ఓడిపోతున్నారు. అతనిపై పోటీ చేసిన ఆర్కే రియల్ హీరో. మాకు ఆయన కావాలని అంటున్నారు. నేను మంగళగిరిలో ప్రచారం చేసినప్పుడు చాలా మందిని అడిగా.. మాకు ప్రభుత్వం అన్నీ ఇస్తుంది కాని.. ఓటు మాత్రం వైసీపీకి వేస్తాం అన్నారు.అలాగే టీడీపీలో ఉన్న 18 మంది మినిష్టర్లలో ఎవడూ గెలివడు. నేను మాట ఇస్తున్నా.. ఇది రాసిపెట్టుకోండి. ఎలక్షన్స్ తరువాత నన్ను అడగండి. ఒక్క మంత్రి కూడా గెలవడు. ఇది నర్మగర్భం. మొన్న టీడీపీ వాళ్లు ఢిల్లీ వచ్చారు. వాళ్ల ఫేస్లు చూడండి. టెక్కలి అచ్చెం నాయుడు బలవంతంగా నవ్వుతున్నాడు. ఎందుకంటే మా పని అయిపోయింది వెలిపోతున్నాం అనే భయం వాళ్లలో మొదలైంది. చక్కగా ఈ ఐదేళ్లు ప్రకృతి ఆశ్రమంలో జాయిన్ అయ్యి ఆరోగ్యాలు కాపాడుకోమనేది నా సలహా’ అంటూ ఛాలెంజ్ చేశారు పృథ్వీ.