వివాదాస్పద దర్శకుడు రామ్‌గోపాల్ వర్మ ఇటీవల బయోపిక్‌ల బాట పట్టారు. ‘లక్ష్మీస్ ఎన్టీఆర్’ విజయంతో ఊపుమీదున్న వర్మ తెలంగాణ సీఎం కేసీఆర్ బయోపిక్ తెరకెక్కించేందుకు సిద్దమయ్యారు. దీనికి ‘టైగర్ కేసీఆర్’ అనే టైటిల్‌ కూడా ఖరారు చేశారు. టైగర్ కేసీఆర్’ ఫస్ట్‌లుక్‌ను శనివారం విడుదల చేస్తానని చెప్పిన వర్మ దానికి ముందే ఓ వీడియో విడుదల చేసి రచ్చ లేపారు. ‘మా భాషమీద నవ్వినవ్. మా ముఖాలమీద ఊసినవ్. మా బాడీల మీద నడిసినవ్.. ఆంధ్రోడా.. వస్తున్నా. వస్తున్నా.. నీ తాట తియ్యనీకి వస్తున్నా.. టైగర్ కేసీఆర్ కమింగ్ సూన్’ అంటూ రాంగోపాల్ వర్మ వీడియోలో పేర్కొన్నాడు. ఈ వీడియో ఇప్పుడు సోషల్‌మీడియాలో వైరల్‌గా మారింది. వర్మపై కొందరు మండిపడుతుంటే, కొందరేమో గాన గద్ద అంటూ సెటైర్లు వేస్తున్నారు. మొత్తానికి ప్రతి సినిమాకు ముందు ఏదొక వివాదం రేపి పబ్లిసిటీ చేసుకునే వర్మ.. కేసీఆర్ బయోపిక్ విషయంలోనూ ఇదే ట్రెండ్ ఫాలో అవుతున్నట్లు కనిపిస్తోంది