ఏపీలో సార్వత్రిక ఎన్నికల ముగిశాయి. ప్రజలు తమ అభిప్రాయాలను ఈవీఎం మెషిన్లలో నిక్షిప్తం చేసేశారు. ఎన్నికల్లో గెలుపెవరిదో తెలాలంటే మే 23 వరకు ఆగాల్సిందే మరి. దాదాపు 15 రోజుల పాటూ నామినేషన్లు, ప్రచారం, పోలింగ్‌లతో బిజీ, బిజీగా గడిపిన నేతలు రిలాక్స్ మోడ్‌లోకి వెళ్లిపోతున్నారు. టెన్షన్లన్నీ మర్చిపోయి ఫ్యామిలీతో జాలీగా గడిపేస్తున్నారు. కొందరు వేసవి విడిది కోసం విదేశాలకు వెళుతుంటే.. మరికొందరు చుట్టు పక్కల రాష్ట్రాల్లోనే ట్రిప్ వేస్తున్నారు.తాజాగా వైసీపీ అధినేత జగన్ వేసవి విడిది కోసం విదేశాలకు వెళుతున్నారు. కుటుంబ సభ్యులతో కలిసి స్విట్జర్లాండ్‌ ఫ్లైటెక్కబోతున్నారు. ఐదు రోజుల పాట స్విస్‌లోనే టూర్ ఎంజాయ్ చేయనున్నారు. ఈ నెల 27న తిరిగి హైదరాబాద్ చేరుకుంటారు వైసీపీ అధినేత. కోర్టు అనుమతితో ఆయన స్విస్ పర్యటనకు వెళుతున్నారు. జగన్ గతేడాది కూడా వేసవి విడిది కోసం కుటుంబంతో కలిసి న్యూజిలాండ్ టూర్‌కు వెళ్లారు.