ఏపీ ఈసెట్ 2019 ప్రవేశ పరీక్ష హాల్‌టికెట్లను జేఎన్‌టీయూ అనంతపురం మంగళవారం విడుదల చేసింది. వెబ్‌సైట్‌లో హాల్‌టికెట్లను అందుబాటులో ఉంచింది. ఏపీ ఈసెట్-2019 పరీక్షకు దరఖాస్తు చేసుకున్న అభ్యర్థులు తమ రిజిస్ట్రేషన్ నెంబర్, పుట్టినతేదీ వివరాలను నమోదుచేసి హాట్‌టికెట్లు డౌన్‌లోడ్ చేసుకోవచ్చు. షెడ్యూలు ప్రకారం.. ఏప్రిల్ 30న ఏపీఈసెట్ పరీక్ష నిర్వహించడానికి అధికారులు ఏర్పాట్లు చేస్తున్నారు. ఉదయం 10 గంటల నుంచి మధ్యాహ్నం 1 గంట వరకు ఆన్‌లైన్ విధానంలో పరీక్ష నిర్వహించనున్నారు. మే 1న ఈసెట్ పరీక్ష ప్రాథమిక కీని విడుదల చేయనున్నారు. మే 3 వరకు కీపై అభ్యంతరాలు స్వీకరించి.. మే 5న ఫైనల్ కీ విడుదల చేయనున్నారు. తదనంతరం మే 13న ఏపీఈసెట్-2019 ఫలితాలను విడుదలచేయనున్నారు