యువ్ న్యూస్ స్పోర్ట్స్ బ్యూరో:

రియాన్‌ పరాగ్‌ (47; 31 బంతుల్లో 5×4, 2×6), జోఫ్రా ఆర్చర్‌  (27 నాటౌట్‌; 12 బంతుల్లో 2×4, 2×6) పోరాడడంతో గురువారం జరిగిన ఆసక్తికర పోరులో రాజస్థాన్‌ రాయల్స్‌ 3 వికెట్ల తేడాతో కోల్‌కతా నైట్‌రైడర్స్‌ను ఓడించింది. దినేశ్‌ కార్తీక్‌ (97 నాటౌట్‌; 50 బంతుల్లో 7×4, 9×6) విధ్వంసక విన్యాసాలతో మొదట కోల్‌కతా 6 వికెట్ల నష్టానికి 175 పరుగులు చేసింది. ‘మ్యాన్‌ ఆఫ్‌ ద మ్యాచ్‌’ వరుణ్‌ ఆరోన్‌ (2/20) అద్భుతంగా బౌలింగ్‌ చేశాడు. పరాగ్‌, ఆర్చర్‌ల పోరాటంతో లక్ష్యాన్ని రాజస్థాన్‌... 19.2 ఓవర్లలో ఏడు వికెట్లు కోల్పోయి ఛేదించింది.