కంగనా రనౌత్ లీడ్ రోల్‌లో నటించిన ‘మణికర్ణిక’ చిత్రంలో సైడ్ రోల్‌లో నటించిన బాలీవుడ్ నటి అంకిత లొకాండే లిప్ లాక్ వీడియోతో సోషల్ మీడియాలో వైరల్‌గా మారింది. ఓ ప్రైవేట్ పార్టీకి హాజరైన ఆమె.. తన ప్రియుడికి పబ్లిక్‌గా ఘాటు ముద్దులు ఇస్తూ నెట్టింట్లో హల్ చేస్తుంది. ప్రముఖ వ్యాపార వేత్త విక్కీ జై‌న్‌తో రిలేషన్‌ షిప్‌లో ఉన్న అంకిత లొకాండే తన ప్రియుడితో కలిసి ఓ పెళ్లిలో సందడి చేసింది. పెళ్లి తరువాత జరిగే సంగీత్ కార్యక్రమంలో ఈ రొమాంటిక్ ప్రేమజంట అదిరిపోయే స్టెప్పులు వేస్తూ రెచ్చిపోయారు. ప్రేమికుడ్ని దగ్గరకు తీసుకుని హగ్ ఇచ్చిన అంకిత లొకాండే అక్కడితే ఆగకుండా అందరూ చూస్తుండగానే లిప్ లాక్ ఇచ్చేసింది. ఈ ఇద్దరి రొమాంటిక్ లిప్ లాక్ వీడియోను నటుడు అర్జున్‌ బిజ్‌లానీ తన ఇన్‌స్టాగ్రామ్‌‌లో షేర్ చేయడంతో వైరల్‌గా మారింది. కాగా అంకిత లోఖండే గతంలో సుశాంత్ సింగ్ రాజ్ పుత్‌తో పికల్లోతు ప్రేమలో మునిగితేలింది. కొన్నాళ్ల పాటు రిలేషన్‌లో ఉన్న ఈ జంట రీసెంట్‌గా బ్రేకప్ చెప్పేశారు. సుశాంత్ సింగ్ రాజ్‌పుత్‌, అంకిత లోఖండే‌లు కలిసి పవిత్ర రిష్తా అనే టీవీ షో చేసేవారు. ఈ షోలో వీరి పరిచయం ప్రేమగా మారడంతో పెళ్లి వరకూ వెళ్లారు. అయితే సుశాంత్ బుల్లితెర నుండి వెండితెరకు వెళ్లి సినిమాలతో బిజీగా మారడంతో అంకిత లోఖండేతో దూరం పెరిగింది. సుశాంత్‌తో బ్రేకప్ తరువాత విక్కీ జైన్‌తో ప్రేమాయణం మొదలు పెట్టిన అంకిత లోఖండే.. తాను ప్రేమలో పడ్డది వాస్తవమే అని.. అతను ఎవరన్నది సస్పెన్స్ అనేసింది. కాగా పబ్లిక్‌గా ముద్దు పెట్టి మరీ తన ప్రియుడ్ని నెటిజన్లకు పరిచయం చేసిన ఈ హాట్ బ్యూటీ త్వరలో అతనితో పెళ్లిపీటలు ఎక్కనున్నట్టు తెలుస్తోంది. మరి అంకిత లోఖండే రెండో లవ్ స్టోరీ పెళ్లి పీటలు వరకూ చేరుతుందో లేక బ్రేకప్ నెం. 2గా మారుతుందో చూడాలి.