యువ్ న్యూస్ స్పోర్ట్స్ బ్యూరో: 

ఆడిన ప్రతి మ్యాచ్ లోనూ ప్రత్యర్థి బౌలర్లపై విరుచుకుపడి, సాధ్యమైనంత భారీ స్కోర్ లను సాధించే కోల్‌ కతా నైట్‌రైడర్స్‌ బ్యాట్స్‌మన్‌ ఆండ్రీ రస్సెల్‌, జట్టు యాజమాన్యంపై సంచలన వ్యాఖ్యలు చేశాడు. వరుసగా ఆరు మ్యాచ్ లను కేకేఆర్ ఓడిపోవడం వెనుక మేనేజ్ మెంట్ తీసుకుంటున్న చెత్త నిర్ణయాలే కారణమని నిప్పులు చెరిగాడు. తమ జట్టులో మంచి వాతావరణమే లేదని వ్యాఖ్యానించిన రసెల్, వాస్తవానికి తమది మంచి జట్టని, అయితే, సరైన బౌలర్‌ను సరైన సమయంలో బౌలింగ్‌ కు దించడం లేదని, అందువల్లే ఓడిపోతున్నామని అన్నాడు.