లక్ష్మీస్ ఎన్టీఆర్' చిత్రాన్ని మే 1న ఏపీలో విడుదల చేయాలని నిర్ణయించుకున్న వివాదాస్పద దర్శకుడు రామ్ గోపాల్ వర్మ, నేడు విజయవాడలో నడిరోడ్డుపై మీడియా సమావేశం పెట్టనున్నట్టు వెల్లడించి కలకలం రేపిన సంగతి తెలిసిందే. చెప్పినట్టుగానే, ఈ ఉదయం 11.30 గంటలకు స్పైస్ జెట్ విమానంలో రామ్ గోపాల్ వర్మ విజయవాడకు చేరుకున్నారు. అక్కడి నుంచి ఐలాపురం హోటల్ కు పయనం అయ్యారు. తాను 12.30 గంటల సమయంలో ఐలాపురం హోటల్ కు వెళ్లనున్నట్టు ఆయన తన ట్విట్టర్ ఖాతా ద్వారా తెలిపారు. కాగా, రహదారులపై ప్రెస్ మీట్ కు అనుమతి లేని కారణంగా, పోలీసులు వర్మను అరెస్ట్ చేసే అవకాశాలు ఉన్నాయని తెలుస్తోంది.