రాయల్ ఎన్‌ఫీల్డ్ బైక్స్ గురించి ప్రత్యేకంగా చెప్పాల్సిన పనిలేదు. వీటి క్రేజ్ ఎంటో యూత్‌ని అడిగితే బాగా చెబుతారు. రాయల్ ఎన్‌ఫీల్డ్ బైక్స్‌ నడిపితే వచ్చే కిక్కే వేరు. అందుకే ఈ బైక్స్‌తో మరేఇతర కంపెనీల బైక్స్ కూడా పోటీపడలేకపోతున్నాయి. 250-500సీసీ విభాగంలో రాయల్ ఎన్‌ఫీల్డ్ బైక్స్ దూసుకెళ్తున్నాయి. మరేఇతర కంపెనీ బైక్స్ కూడా వీటికి పోటీ ఇచ్చే స్థాయిలో లేకపోవడం గమనార్హం. మార్చి నెల విక్రయాలను గమనిస్తే.. రాయల్ ఎన్‌ఫీల్డ్ స్థాయి ఎంటో తెలిసిపోతుంది. రాయల్ ఎన్‌ఫీల్డ్ క్లాసిక్ సిరీస్ బైక్స్ అమ్మకాలు 3,183 యూనిట్లుగా ఉన్నాయి. బుల్లెట్ బైక్స్ విక్రయాలు 13,495 యూనిట్లుగా, థండర్‌బర్డ్ అమ్మకాలు 5,091 యూనిట్లుగా నమోదయ్యాయి. మూడు రకాల బైక్స్ అందుబాటులో ఉండటంతో రాయల్ ఎన్‌ఫీల్డ్ ఆధిపత్యం కొనసాగుతోంది. వీటి తర్వాతి స్థానంలో యమహా ఎఫ్‌జడ్ 25, ఫజర్ 25 బైక్స్ ఉన్నాయి. వీటి అమ్మకాలు 1,508 యూనిట్లు. ఇక ఐదో స్థానంలో మళ్లీ రాయల్ ఎన్‌ఫీల్డే ఉంది. హిమాలయన్ బైక్స్ అమ్మకాలు 965 యూనిట్లుగా ఉన్నాయి.ఇక కేటీఎం 250 బైక్స్ అమ్మకాలు 617 యూనిట్లుగా, కేటీఎం 390 బైక్స్ విక్రయాలు 470 యూనిట్లుగా ఉన్నాయి. బజాజ్ డామినర్ అమ్మకాలు కేవలం 350 యూనిట్లుగా మాత్రమే నమదయ్యాయి. టీవీఎస్ అపాచీ ఆర్ఆర్ 310 బైక్స్ అమ్మకాలు 279 యూనిట్లుగా, మహీంద్రా మోజో బైక్స్ అమ్మకాలు 171 యూనిట్లుగా ఉన్నాయి