సాధినేని యామిని.. టీడీపీ స్పోక్ పర్శన్‌గా, అధికార ప్రతినిధిగా సోషల్ మీడియాలోనూ ఎలక్ట్రానిక్ మీడియాలోనూ తెలుగుదేశం పార్టీ వాయిస్‌ని గట్టిగా వినిపిస్తూ వివాదాస్పద వ్యాఖ్యలతో పొలిటికల్ సెలబ్రిటీగా మారారామె. ముఖ్యంగా పవన్ కళ్యాణ్‌.. మల్లెపూలు నలపడం తప్ప ఇకేం చేయలేరంటూ అనుచిత వ్యాఖ్యలు చేయడంతో పవన్ ఫ్యాన్స్ ఆగ్రహాన్ని చవిచూసి నేటికీ ట్రోల్ చేయబడుతున్నారు.ఇక సినీ నటి దివ్యవాణి ఎన్నికల ముందు టీడీపీ తీర్ధం తీసుకుని వైసీపీ, బీజేపీ పార్టీలపై వివాదాస్పద వ్యాఖ్యలు చేస్తూ వార్తల్లో నిలిచారు. అయితే ఆమెకు రాజకీయ పరమైన అనుభవం లేకపోవడంతో పాటు విషయ అవగాహన తక్కువగా ఉండటంతో పలుమార్లు నెటిజన్ల చేతిలో ట్రోల్ చేయబడ్డారు. అయితే ఈ ఇద్దర్నీ కంపేర్ చేస్తూ పోస్ట్ వదిలింది వివాదాల వీర పుత్రిక శ్రీరెడ్డి. ‘రాష్ట్రంలో ఎవరికీ దివ్యవాణి నచ్చలే.. టీడీపీ తొలి నుండి ఒక స్థాయి ఉంది. ఆ స్థాయిని దివ్యవాణి అందుకోలేకపోయింది. ఆమెను అక్కడితే ఆపేస్తే మంచిది. దివ్యవాణి కంటే సాధినేని యామిని సూపర్. అవతలోడికి పోపిస్తాది’ అంటూ యామినికి ప్రశంసలు, దివ్యవాణికి చురకలు అంటించింది శ్రీరెడ్డి.