యువ్ న్యూస్ జనరల్ బ్యూరో:

ఛత్తీస్ ఘడ్ రాష్ట్రంలోని దంతెవాడ అడవుల్లో బుధవారం ఉదయం 5 గంటలకు మావోయిస్టులకు, సాయుధ పోలీసులకు మధ్య ఎదురుకాల్పులు జరిగాయి. దంతెవాడ అటవీప్రాంతం అరన్పూర్ పోలీసుస్టేషను పరిధిలోని గొండేరాస్ జంగిల్ ప్రాంతంలో సాయుధ పోలీసులు గాలిస్తుండగా మావోయిస్టులు కాల్పులు జరిపారు. తిరిగి పోలీసులు వారిపై కాల్పులు జరిపారు. ఈ ఎన్కౌంటర్లో ఇద్దరు మావోయిస్టులు మరణించారు. మావోయిస్టుల మృతదేహాల వద్ద ఒక రైఫిల్, 12బోర్ తుపాకీ, మందుగుండు సామాగ్రి, తీవ్రవాద సాహిత్యాన్ని పోలీసులు స్వాధీనం చేసుకున్నారు.