సూపర్ స్టార్ మహేష్ బాబు నటించిన 25 మూవీ ‘మహర్షి’ భారీ అంచనాల నడుమవిడుదలై కలెక్షన్ల వర్షం కురిపిస్తోంది. ప్రపంచ వ్యాప్తంగా బహుబలి చిత్రాన్ని బ్రేక్ చేస్తూ ఓవర్సీస్‌లో 2500పైగా ప్రీమియర్ షోలను ప్రదర్శించారు. టాలీవుడ్ హిస్టరీలో సెకండ్ బిగ్గెస్ట్ రిలీజ్ మూవీ ‘మహర్షి’ కావడం విశేషం. ప్రీమియర్స్ షో ద్వారా పాజిటివ్ రెస్పాన్స్ రాబట్టిన ‘మహర్షి’ చిత్రం యుఎస్‌లో మంచి కలెక్షన్లు రాబట్టింది. 2019లో ప్రీమియర్స్ ద్వారా అత్యధిక కలెక్షన్లు రాబట్టిన చిత్రంగా రికార్డ్స్ నెలకొల్పింది. ‘ఇంటర్నేషనల్ బిజినెస్ టైమ్స్’ కథనం ప్రకారం.. 202 లొకేషన్స్‌లో ‘మహర్షి’ ప్రీమియర్స్ షోలు పడగా.. $455,060 డాలర్లు వసూలు చేసినట్టు లెక్కలు చూపిస్తున్నారు. ఈఏడాదిలో ఇదే హయ్యెస్ట్ ప్రీమియర్ కలెక్షన్లు కావడం విశేషం. ఎన్టీఆర్ కథానాయకడు -$442,998, ఎఫ్ 2-$251,263, వినయవిధేయ రామ- $181,118, జెర్సీ-$144,687, మజిలీ-$140,454 చిత్రాలు తరువాతి స్థానంలో ఉన్నట్లుగా ఐబీ టైమ్స్ తెలిపింది.అయితే మహేష్ గత చిత్రాలతో పోల్చుకుంటే ‘మహర్షి’ తొలిరోజు యూఎస్ ప్రీమియర్ షో కలెక్షన్లు ఆగడు, స్పైడర్‌లకంటే వెనకబడినట్టు ఐబీ టైమ్స్ వివరించింది. ‘మహర్షి’ చిత్రానికి ప్రీమియర్స్ ద్వారా $455,060 వసూలు చేయగా.. స్పైడర్$1,005,630 కలెక్షన్లను రాబట్టింది. మిగతా సినిమాల విషయానికి వస్తే.. భరత్ అనే నేను $800,000, బ్రహ్మోత్సవం $560,000, శ్రీమంతుడు $536,000, ఆగడు $524,000 రాబట్టింది. ఐబీ టైమ్స్ బాక్సాఫీస్ లెక్కల్లో ఆగడు, స్పైడర్, బ్రహ్మోత్సవం చిత్రాలకంటే వెనుకబడింది ‘మహర్షి’.