చిత్తూరు జిల్లాలో ఈరోజు రోడ్డు ప్రమాదం చోటుచేసుకుంది. వేగంగా వెళుతున్న ఓ ప్రైవేటు ట్రావెల్స్ బస్సు పూతలపట్టు మండలం ఎం.బండపల్లి వద్ద అదుపు తప్పి చెట్టును బలంగా ఢీకొట్టింది. ఈ దుర్ఘటనలో 17 మందికి గాయాలు అయ్యాయి. ప్రమాద విషయం తెలుసుకున్న పోలీసులు క్షతగాత్రులను చిత్తూరు ప్రభుత్వ ఆసుపత్రికి తరలించారు. వీరిలో ఒకరి పరిస్థితి విషమంగా ఉందనీ, మిగతా వారి పరిస్థితి స్థిరంగా ఉందని వైద్యులు తెలిపారు.