యువ్ న్యూస్ పొలిటికల్ బ్యూరో:

చిత్తూరు జిల్లా కుప్పంలో వెలసిన గంగమ్మ  అమ్మవారి జాతర వైభవంగా సాగుతోంది. అర్చకులు అమ్మవారి విగ్రహాన్ని అలంకరించి పురవీధుల్లో ఊరేగించారు. వేలాది భక్తులు జాతరలో పాల్గొన్నారు. సొంత నియోజకవర్గమైన కుప్పంలో ప్రఖ్యాతిగాంచిన జాతరలో ఏపీ సీఎం నారా చంద్రబాబునాయుడు పాల్గొన్నారు. సతీమణి భువనేశ్వరితో కలిసి గంగమ్మ అమ్మవారికి ప్రత్యేక పూజలు చేశారు. అమ్మవారి విశ్వరూప దర్శనం చేసుకుని మొక్కులు చెల్లించుకున్నారు. ఆలయ పాలక మండలి సభ్యులు సీఎం దంపతులను శాలువాలతో సన్మానించారు. జిల్లా ఎస్పీ విక్రాంత్‌ పాటిల్‌, మదనపల్లి సబ్‌ కలెక్టర్ కీర్త చేకూరి తదితరులు హాజరయ్యారు.