ఆంధ్రప్రదేశ్‌తో పాటు దేశవ్యాప్తంగా ఎన్నికల కోడ్ ఈ నెల 27వ తేదీ అర్థరాత్రి వరకు అమల్లో ఉంటుందని రాష్ట్ర ప్రధాన ఎన్నికల అధికారి గోపాలకృష్ణ ద్వివేది స్పష్టం చేశారు. తప్పనిసరి పరిస్థితుల్లో ఓట్ల లెక్కింపు ప్రక్రియ తర్వాత కూడా రీపోలింగ్ నిర్వహించే అవకాశం ఉందని తెలిపారు. ఏదైనా పోలింగ్ బూత్‌తో ఈవీఎం డీకోడ్ కానప్పుడు, వీవీ ప్యాట్ స్లిప్పుల్లో తేడా రావడం, ఈవీఎంలు మొరాయించడం, పార్టీలకు వచ్చిన ఓట్ల మధ్య వ్యత్యాసం తక్కువగా ఉండటంతో పాటు ఇతరత్రా సమస్యలేవైనా వచ్చినప్పుడు రీపోలింగ్ నిర్వహించే ఛాన్స్ ఉంటుందని స్పష్టం చేశారు.ఎన్నికల కోడ్‌ 27వ తేదీ అర్థరాత్రి అమల్లో ఉంటుందని ద్వివేది తెలిపారు. గురువారం( మే 23) ఓట్ల లెక్కింపునకు అన్ని ఏర్పాట్ల చేశామన్నారు. అన్ని కేంద్రాల వద్ద పటిష్టమైన భద్రతా ఏర్పాట్లు చేసినట్లు తెలిపారు. ఎలాంటి అవాంఛనీయ సంఘటనలు జరగకుండా కేంద్ర బలగాలతో బందోబస్తు ఏర్పాటు చేశామన్నారు.