యువ్ న్యూస్ పొలిటికల్ బ్యూరో:

గోరంట్ల మాధవ్.. తెలుగు రాష్ట్రాల్లో ప్రజలకు ఈ మధ్యే పరిచయమైన పేరు. పోలీస్ శాఖలో సీఐగా విధులు నిర్వహిస్తూ ఖాకీ డ్రస్సేసిన మాధవ్.. ఇప్పుడు ఖద్దర్ ధరించి పార్లమెంటులో

అడుగుపెట్టబోతున్నారు. అనంతపురం జిల్లా హిందూపురం లోక్‌సభ నియోజకవర్గం నుంచి ఎంపీగా గెలిచారు. టీడీపీ అభ్యర్థి నిమ్మల కిష్టప్పపై లక్ష 38వేల 309 ఓట్ల మెజార్టీతో గెలిచారు.

నామినేషన్ వేయడానికి ఎన్ని అవాంతరాలు ఎదురైనా దాటుకొని.. ఎంపీగా విజయం సాధించారు.
ఫలితాల వెలువడిన తర్వాత గోరంట్ల మాధవ్ కౌంటింగ్ సెంటర్ దగ్గర కనిపించారు. బయటకు వస్తుండగా మాధవ్‌కు స్థానిక డీఎస్పీ ఎదురయ్యారు. ఎంతకాదన్నా ఎంపీగారు కదా.. డీఎస్పీ మాధవ్‌కు

సెల్యూట్ చేశారు. ఇక్కడా మాధవ్ తన హుందాతనాన్ని ప్రదర్శించారు. డీఎస్పీకి తిరిగి సెల్యూట్ చేసి శభాష్ అనిపించుకున్నారు. ఈలోపే ఓ ఫోటో కూడా క్లిక్ మనింది.. సోషల్ మీడియాలో

వైరలవుతోంది. జేసీ దివాకర్ రెడ్డితో వివాదంతో మాధవ్ తెరపైకి వచ్చారు. జేసీ పోలీసు అధికారులపై చేసిన వ్యాఖ్యలపై మాధవ్ స్పందించారు. అనంత‌పురం జిల్లా పోలీసు అధికారుల సంక్షేమ సంఘం

ప్ర‌ధాన కార్య‌ద‌ర్శి హోదాలో దివాకర్ రెడ్డికి వార్నింగ్ ఇచ్చారు. పోలీసుల‌ను దూషిస్తే నాలుక చీరేస్తానంటూ మీసం మెలేసి మ‌రీ.. జేసీని హెచ్చరించారు. తర్వాత అనూహ్యం సీఐగా పదవీ విరమణ చేసి

షాకిచ్చారు. తర్వాత ఎన్నికలకు ముందు జగన్ సమక్షంలో వైసీపీలో చేరారు.జగన్ మాధవ్‌కు హిందూపురం ఎంపీ సీటును ప్రకటించారు. తీరా నామినేషన్ వేసే సమయానికి అడ్డంకులు

ఎదురయ్యాయి. మాధవ్ వాలంటరీ రిటైర్మెంట్‌ను ప్రభుత్వం ఆమోదించకపోవడంతో చిక్కులొచ్చి పడ్డాయి. తన భార్యను అయినా ఎన్నికల బరిలోకి నిర్వహించాలని ప్రయత్నించారు.. తర్వాత మాధవ్

రాజీనామాను ఆమోదించాలని ఆంధ్రప్రదేశ్ అడ్మినిస్ట్రేటివ్ ట్రిబ్యునల్ ఆదేశాలు జారీ చేసింది. ఉద్యోగం నుంచి రిలీవ్ చేయాలని కోరడంతో.. పోటీ చేసేందుకు గ్రీన్ సిగ్నల్ వచ్చింది. అలాగే ఎన్నికల్లో

గెలిచి బంపర్ మెజార్టీతో ఘన విజయం సాధించారు.