యువ్ న్యూస్ పొలిటికల్ బ్యూరో:     

ఒక్క తల్లి కడుపున పుట్టిన ముగ్గురు అన్నదమ్ముళ్లు ఎమ్మెల్యేలుగా అసెంబ్లీకి అడుగుపెడుతున్నారు. ఏపీ చరిత్రలోనే కాకుండా దేశ చరిత్రలోనే ముగ్గురు తోబుట్టువులు ఒకే పర్యాయంలో చట్టసభలోకి ప్రవేశించడం ఇదే తొలిసారి. ఎల్లారెడ్డి సాయిప్రసాద్ రెడ్డి కర్నూలు జిల్లా ఆదోని నుంచి మళ్లీ గెలిచారు.  ఆయన సోదరుడు వై.బాలనాగిరెడ్డి అదే జిల్లా మంత్రాలయం నుంచి తిరిగి అసెంబ్లీకి ఎన్నికయ్యారు.  మరో సోదరుడు వై.వెంకట్రామి రెడ్డి అనంతపురం జిల్లా గుంతకల్లు నుంచి పోటీ చేసి గెలిచారు.  ఒక తల్లిబిడ్డలైన వీరు ముగ్గురూ గెలవడం ఒక ఎత్తయితే, వైసీపీ టెకెట్లపైనే గెలవడం విశేషం.