యువ్ న్యూస్ జనరల్ బ్యూరో:

గుంటూరు జిల్లా నాదెండ్ల మండలం నాదెండ్ల నుండి ఎండుగుంపాలెం వెళ్లే రోడ్డు ప్రక్క నక్కవాగు లోని నీటి కుంట లో గుర్తు తెలియని వ్యక్తి మృతదేహం లభించింది. సోమవారం ఉదయం అటువైపు నుండి వెళ్లేవారు తెలిపిన సమాచారం తో నాదెండ్ల ఎస్.ఐ చెన్నకేశవులు సిబ్బంది తో సంఘటనా స్థలానికి చేరుకున్నారు. మృతుని వయస్సు 55నుండి 60 సంవత్సరాలు ఉండవచ్చు.  పదునైన ఆయుధం తో గొంతు కోశారని పోలీసులు తెలిపారు.మృతుని వంటిపై గళ్ళ చొక్క మాత్రమే ఉందని, కొంచం దూరం ఓ క్షుద్ర పూజలు జరిగిన ఆనవాళ్లు వున్నాయి. వేరే ప్రాంతంలో ఎక్కడైనా చంపి ఇక్కడ పడివేసి ఉండవచ్చు ననే అనుమానంతో దర్యాప్తు చేస్తున్నట్లు పోలీసులు తెలిపారు.డాగ్ స్క్వాడ్, క్లూస్ టీమ్స్ ఘటనా స్థలాన్ని  పరిశీలించాయి.