యువ్ న్యూస్ పొలిటికల్ బ్యూరో:

ఆంధ్రప్రదేశ్ రాష్ట్ర ముఖ్యమంత్రిగా  జగన్ మోహన్ రెడ్డి, పాయకరావుపేట ఎమ్మెల్యేగా  గొల్ల బాబురావు  ఘన విజయం సాధించిన సందర్భంగా పాయకరావుపేట వైసీపీ టౌన్ అధ్యక్షుడు  దగ్గుపల్లి సాయి నామవరం గ్రామంలోని శివాలయం నుండి అన్నవరం శ్రీ సత్యన్నారాయణ స్వామి వారి దేవస్థానం వరకు పాదయాత్ర చేశారు. ఈ సందర్భంగా జెడ్.పి.టి.సి సభ్యులు , జిల్లా వైసీపీ సీనియర్ నాయకులు చిక్కాల రామారావు మాట్లాడుతూ ఆంధ్రప్రదేశ్ అసెంబ్లీ ఎన్నికల్లో వైసీపీ ఘన విజయం సాధించింది. జగన్ ప్రభంజనంలో టీడీపీ కొట్టుకుపోయింది. రాష్ట్ర చరిత్రలో ఎన్నడూ లేనంతగా జగన్ సునామీ కనిపించింది. జగన్ మోహన్ రెడ్డిని ఆంధ్రప్రదేశ్ ముఖ్యమంత్రిగా చేయడానికి శ్రమపడిన నియోజకవర్గ కార్యకర్తలను అభినందించారు. వైసీపీ ఘనవిజయంలో తోడ్పాటు అందించిన అందరికీ కృతజ్ఞతలు చెప్పారు. అలాగే, కాబోయే ముఖ్యమంత్రి జగన్కు శుభాకాంక్షలు తెలిపారు. ఈ సందర్భంగా వైసీపీ టౌన్ అధ్యక్షులు దగ్గుపల్లి సాయి మాట్లాడుతూ జగన్ ఈ రాష్ట్ర ముఖ్యమంత్రి అయితే ఈ పాదయాత్ర చేస్తామని అనుకున్నాం.రాష్ట్రానికి ముఖ్యమంత్రిగా జగన్,పాయకరావుపేట ఎమ్మెల్యేగా గొల్ల బాబురావు గెలిచిన  సందర్భంగా పాదయాత్ర చేసి అన్నవరం సత్యనారాయణ స్వామిని దర్శించుకుంటామని తెలిపారు. ఈ పాదయాత్రలో పాయకరావుపేట మండల అధ్యక్షులు ధనిశెట్టి బాబురావు , జడ్పీటిసి సభ్యులు చిక్కాల రామారావు,లంకా సూరిబాబు, ఆడారి ప్రసాద్,
ధనిశెట్టి బాబీ, రాజేష్ కన్నా ,వైస్సార్సీపీ కార్యకర్తలు,తదితరులు పాల్గొన్నారు.