యువ్ న్యూస్ పొలిటికల్ బ్యూరో:

విజయవాడ పటమట ఎన్టీఆర్ సర్కిల్ వద్ద ఎన్టీఆర్ విగ్రహానికి ఎమ్మెల్యే గద్దె రామ్మోహన్ ఎమ్మెల్సీ బుద్ధా వెంకన్న పూలమాలలు వేసి నివాళి అ ర్పించారు. బుద్ద వెంకన్న మాట్లాడుతూ ఎన్టీఆర్ శత జయంతి ఉత్సవాలను చంద్రబాబు ముఖ్యమంత్రిగా ఘనంగా నిర్వహించుకుంటాం. పడ్డవాడు ఎప్పుడూ చెడ్డ వాడు కాదు అనే సామెత మేరకు ఇప్పుడు ఓటమి చెందిన 2024 లో విజయం మాదే. లోకేష్ ఓటమి విజయానికి నాంది లా భావిస్తున్నాం. కేసీఆర్ కూడా తొలుత ఓటమిని చవి చూశారు ఆ తర్వాత అంచెలంచెలుగా ఎదిగారని అన్నారు. లోకేష్ గాని తెలుగుదేశం పార్టీ గాని ఓటిని చెందినందుకు మేము బాధపడటం లేదు. రాజకీయాలలో గెలుపు ఓటములు సహజం. నేను తొడగొట్టి చేసిన శపధాలను వైసీపీ నేతలు పదే పదే గుర్తు చేయటం నాకు సంతోషంగా ఉందని అన్నారు. పదే పదే నన్ను గుర్తు చేసుకోవడం ఆనందంగా ఉంది.
ఎమ్మెల్యే గద్దె రామ్మోహన్ మాట్లాడుతూ తెలుగుదేశం పార్టీ నేతలు కార్యకర్తలు ఆత్మస్థైర్యంతో ముందుకు సాగుతారు. బాధపడుతూ ఇంట్లో కూర్చునే వ్యక్తులు తెలుగుదేశం పార్టీ కార్యకర్తలు కాదు. ప్రజలకు నిత్యం అందుబాటులో ఉంటూ వారి సమస్యలు పరిష్కారం కోసం కృషి చేస్తాము విజయవాడ తూర్పు నియోజకవర్గం లో విజయం చేకూర్చిన ప్రతి ఒక్కరికి కృతజ్ఞతలని అన్నారు. తెలుగుదేశం పార్టీ గెలుపు ఓటములకు కృంగిపోయే పార్టీ కాదు. ఆత్మవిశ్వాసంతో ముందుకు సాగుతాం. ఆత్మస్థైర్యం విశ్వాసము ఎన్టీఆర్ చంద్రబాబు నుండి ప్రతి కార్యకర్త స్ఫూర్తి పొందారు ఆ విధంగానే ముందుకు  సాగుతామని అన్నారు.