యువ్ న్యూస్ జనరల్ బ్యూరో 
 

వేడిగాలులు, సెగలు అల్లాడిపోతున్న విజయవాడ వాసులకు ఉపశమనం లభించింది.  బుధవారం వరకు వడగాల్పులతో అట్టుడికిపోయిన బెజవాడ నగరం చిరుజల్లుల రాకతో చల్లబడింది. బుధవారం రాత్రి నుంచి మొదలైన చిరుజల్లులతో విజయవాడ వాసులు ఉపశమనం పొందారు.  గురువారం ఉదయం కూడా వాతావరణం చల్లగా ఉండటంతో ప్రజలకు ఉక్కపోత నుంచి ఉపశమనం లభించింది.  వాతావరణం చల్లబడటంతో వైకాపా నేత జగన్ మోహన్ రెడ్డి ప్రమాణ స్వీకారోత్సవానికి ప్రజలు భారీ ఎత్తున తరలివచ్చారు.