కాజల్ అగర్వాల్ ‘సీత’ సినిమాతో ఇటీవల ప్రేక్షకుల ముందుకు వచ్చింది. తేజ దర్శకత్వంలో తెరకెక్కిన ఈ సినిమా ప్రేక్షకులను ఆకట్టుకోవడంలో విఫలమైంది. సినిమా సక్సెస్ ఎలా ఉన్నా ప్రస్తుతం కాజల్ మాత్రం ఫుల్‌గా ఎంజాయ్ చేస్తోంది. తన చెల్లెలు నిషా అగర్వాల్, ఆమె కుమారుడు ఇషాన్ వలేచాతో హాలీడే‌ను కాజల్ ఆస్వాదిస్తోంది. వీరిద్దరితో కలిసి స్విమ్మింగ్ పూల్‌లో ఆటలాడుతోన్న ఫొటోలను తాజాగా కాజల్ ఇన్‌స్టాగ్రామ్‌లో పోస్ట్ చేసింది. ఈ ఫొటోలు ప్రస్తుతం వైరల్‌గా మారాయి. ఈ ఫొటోల్లో కాజల్ బికినీలో ఉండటం విశేషం. కాగా, కాజల్ చెల్లెలు నిషా అగర్వాల్ కూడా తెలుగులో హీరోయిన్‌గా నటించింది. ‘ఏమైంది ఈవేళ’ సినిమాతో వెండితెరకు పరిచయమైంది. ఆ తరవాత రెండు మూడు సినిమాల్లో నటించినా పెద్దగా గుర్తింపు రాకపోవడంతో నటనకు బైబై చెప్పేసింది. వ్యాపారవేత్త కరణ్ వలేచాను వివాహం చేసుకుంది. వీరికి ఇషాన్ వలేచా సంతానం. షూటింగ్‌ల నుంచి కాస్త విరామం దొరకడంతో కాజల్ తన చెల్లెలు దగ్గరికి వెళ్లింది. అక్కడ నిషా, ఇషాన్‌తో సరదాగా గడిపిన ఫొటోలను అభిమానులతో పంచుకుంది. ఇదిలా ఉంటే, హిందీలో కంగనా రనౌత్ ప్రధాన పాత్ర పోషించిన సూపర్ హిట్ ఫిల్మ్ ‘క్వీన్’ను తమిళంలో ‘పారిస్ పారిస్’గా రీమేక్ చేశారు. ఇందులో కాజల్ అగర్వాల్ ప్రధాన పాత్ర పోషించింది. రమేశ్ అరవింద్ దర్శకత్వం వహించిన ఈ చిత్రం విడుదలకు సిద్ధంగా ఉంది. ఇది కాకుండా మరో మూడు సినిమాలు కాజల్ చేతిలో ఉన్నాయి. శర్వానంద్ హీరోగా తెరకెక్కుతోన్న ‘రణరంగం’లో కాజల్ ఒక హీరోయిన్. అలాగే శంకర్ ‘ఇండియన్ 2’లోనూ కాజల్ నటిస్తోంది. ‘కోమలి’ అనే మరో తమిళ సినిమాలోనూ చేస్తోంది.