యువ్ న్యూస్ జనరల్ బ్యూరో:

చిత్తూరు జిల్లా, భాకరాపేట ఘాట్ రోడ్డులో ఘోర రోడ్డు ప్రమాదం జరిగింది. వేగంగా వెళుతున్న ఆర్టిసీ బస్సు ముందు వెళ్ళుతున్న కారును అధిగమించబోయి ఎదురుగా వస్తున్న ఆటో ఢీ కొంది. ఈ ప్రమాదంలో ఆటోలో ఉన్న ముగ్గురు వ్యక్తులు అక్కడికక్కడే దుర్మరణం పాలయ్యారు.మృతులంతా చిన్నగొట్టిగల్లు మండలం, బత్తినవారిపల్లెకు చెందిన వారు.  రమణారెడ్డి, వెంకరమణలు తిరుపతిలో శనివారం జరుగు పోటేలు వారపు సంతలో పోటేళ్ళను కొనుగోలు చేసి తిరిగి స్వగ్రామానికి ఆటోలో వస్తున్నప్పుడు ఈ ఘటన జరిగింది. భాకరాపేట ఘాట్ రోడ్డులో పీలేరు నుంచి తిరుపతికి వస్తున్న ఆర్టీసీ బస్సు ముందు వెళ్ళుతున్న కారును ఓవర్ టేక్ చేస్తూ ఎదురుగా వస్తున్న ఆటోని ఢీ కొంది. ఈ ప్రమాదంలో ఆటో బస్సు కింద పడి నుజ్జు నుజ్జు అయింది. అందులో ఉన్న రమణారెడ్డి, వెంకటరమణలతో పాటు ఆటో డ్రైవర్ అక్కడికక్కడే దుర్మరణం పాలయ్యారు.  సమాచారం అందుకున్న భాకరాపేట పోలీసులు సంఘటన స్థలానికి చేరుకుని అతికష్టంపై మృత దేహాలను బయటకు తీశారు.