యువ్ న్యూస్ జనరల్ బ్యూరో:

మీకు ఎవరైనా ఫోన్ చేసి పాలసీ ఏజెంట్ అని చెప్పి మోసగించే అవకాశముంది. మీ వద్దకు వచ్చింది ఎల్ఐసీ ఏజెంట్ అని ధ్రువీకరించకున్న తర్వాతనే పాలసీ తీసుకొని డబ్బులు చెల్లించండి. అతిపెద్ద ప్రభుత్వ రంగ ఇన్సూరెన్స్ సంస్థ ఎల్ఐసీ గురించి అందరికీ తెలుసు. దేశవ్యాప్తంగా చాలా మంది ఎల్ఐసీ పాలసీలు తీసుకుంటూ ఉంటారు. అయితే పాలసీ తీసుకునే ముందు, తర్వాత కొన్ని జాగ్రత్తలు అనుసరించాలి. లేకపోతే మోసపోవలసి వస్తుంది.  ఇటీవల కాలంలో ఎల్ఐసీ మోసాలు పెరిగిపోతున్నాయి. ఈ నేపథ్యంలోనే ఎల్ఐసీ కూడా క్రమం తప్పకుండా అప్పుడప్పుడు పాలసీదారులను అలర్ట్ చేస్తూ ఉంటుంది. అవేంటో చూద్దాం..
✺ ఎల్ఐసీ పాలసీ ప్రీమియం చెక్ రూపంలో చెల్లించేటప్పుడు.. లైఫ్ ఇన్సూరెన్స్ కార్పొరేషన్ ఆఫ్ ఇండియా ఫేవర్గా చెక్లో వివరాలు నింపండి. ఎల్ఐసీ పేరు మీద కాకుండా ఇతరుల పేరు మీద చెక్ ఇష్యూ చేయాలని కోరితే నేరుగా కంపెనీకి ఈ విషయాన్ని తెలియజేయండి.
✺ ఎల్ఐసీ పాలసీ స్టేటస్ను ఆన్లైన్లో సులభంగానే తెలుసుకోవచ్చు. అందుకే ఎప్పుడూ కూడా కంపెనీ వెబ్సైట్కు వెళ్లే పాలసీ వివరాలు చూడండి.
✺ ఏజెంట్లు అందించే ఏ డాక్యుమెంట్ పైనైనా పూర్తిగా చదివిన తర్వాతనే సంతకం చేయండి. ఒకవేళ మీరు చదవకుండా సంతకం చేస్తే మోసపోయే అవకాశముంది.
✺ ఒరిజినల్ పాలసీ డాక్యుమెంట్ను ఎవ్వరికీ ఇవ్వొద్దు. ఎల్ఐసీ ఎవ్వరికీ కూడా మీ ఒరిజినల్ పేపర్లు తీసుకోవడానికి అనుమతిని ఇవ్వలేదు.
✺ మీకు ఎవరైనా ఫోన్ చేసి పాలసీ ఏజెంట్ అని చెప్పి మోసగించే అవకాశముంది. మీ వద్దకు వచ్చింది ఎల్ఐసీ ఏజెంట్ అని ధ్రువీకరించకున్న తర్వాతనే పాలసీ తీసుకొని డబ్బులు చెల్లించండి.
✺ బోనస్, ఔట్ స్టాండింగ్ ఇన్స్టాల్మెంట్లకు సంబంధించి ఎల్ఐసీ ఎప్పటికీ పాలసీదారులకు కాల్ చేయదు. ఈ విషయాన్ని గుర్తు పెట్టుకోంది. ✺ నెఫ్ట్ ఆన్లైన్ పేమెంట్ మార్గంలో ఎల్ఐసీ చెల్లింపులు నిర్వహించడం ఉత్తమం.