యువ్ న్యూస్ పొలిటికల్ బ్యూరో:

మంగళవారం నాడు ఏపీ అసెంబ్లీ లాబీల్లో ఆసక్తికరసన్నివేశాలు జరిగాయి.  మాజీ మంత్రి యనమల, మాజీ ఎంపీ జేసీ దివాకర్ రెడ్డిల మధ్య ఆసక్తికర సంభాషణ జరిగింది. ఎన్నికల్లో ప్రత్యర్థలుగా ఉన్న నేతలు.. ఒకే పార్టీకి చెందిన నేతల మధ్య ఆసక్తికర సంభాషణలు జరుగుతున్నాయి. అసెంబ్లీ సమావేశాలు జరుగుతున్న నాటి నుంచి రోజుకో ఆసక్తికర సన్నివేశాలు కనిపిస్తున్నాయి. మంగళవారం నారా లోకేష్, మంగళగిరి ఎమ్మెల్యే ఆర్కే ఎదురపడి ఆప్యాయంగా పలకరించుకుంటే.. మాజీ మంత్రి యనమల రామకృష్ణుడు, మాజీ ఎంపీ జేసీ దివాకర్ రెడ్డిల మధ్య ఆసక్తికర చర్చ జరిగింది. ఉదయం అసెంబ్లీ లాబీల్లో యనమలకు జేసీ ఎదురుపడి పలకరించుకున్నారు. వెంటనే దివాకర్ రెడ్డి యనమలతో.. రాయలసీమపై కోపం తగ్గిందా అన్నారు. స్పందించిన యమనలి.. మీ వల్లే నష్టం జరిగింది.. అంతా మీరే చేశారంటూ సమాధానం ఇచ్చారట. తర్వాత ఇద్దరూ నవ్వుకుంటూ అక్కడి నుంచి వెళ్లిపోయారు.