పోర్న్ సినిమాలు కూడా సరికొత్త టెక్నాలజీలతో ప్రేక్షకులను ఆకట్టుకునేందుకు ప్రయత్నిస్తున్నాయి. ఆమ్స్‌టర్డామ్‌లో ఇటీవల కదిలే కుర్చీలతో 5D పోర్న్ సినిమా థియేటర్‌ను ప్రారంభించిన సంగతి తెలిసిందే. తాజాగా జర్మనీలో వర్చువల్ రియాలిటీ తో పోర్న్ బూత్‌లను ఏర్పాటు చేస్తున్నారు. కళ్లకు వీఆర్ హెడ్‌సెట్స్ తగిలించి మరీ నీలి చిత్రాలను ప్రదర్శిస్తున్నారు. ఇంటర్నెట్ సెంటర్లలో ఉండే చిన్న గదుల తరహాలో వీటిని రూపొందించారు. ఇందులో శుభ్రం చేయడానికి వీలుగా ఉండే లెదర్ కుర్చీలను ఏర్పాటు చేశారు. సెక్స్ సంబంధిత వస్తువులను విక్రయించే షాప్‌లలో ఈ బూత్‌లను ఏర్పాటుచేస్తున్నారు. వర్చువల్ రియల్ ప్లెజర్ అనే సంస్థ వీటిని తయారు చేస్తోంది. ఈ వీఆర్ వీడియోలు చూడాలంటే నిమిషానికి ఒక పౌండ్ (భారత కరెన్సీలో రూ.87.76) చెల్లించాలి. ఇప్పటివరకు 14 నగరాల్లోని సెక్స్ షాప్‌లలో ఈ బూత్‌లు ఏర్పాటు చేశారు. ఒక్కో బూత్ ఏర్పాటుకు 8 వేల పౌండ్లు ఖర్చవుతాయని ‘SexTechGuide’ వెబ్‌సైట్ వెల్లడించింది. అంటే భారత కరెన్సీ ప్రకారం.. రూ.7,02,072 వెచ్చించాలి. ఇందులో వీఆర్ హెడ్‌సెట్స్ మాత్రేమే కాదు.. టీవీ కూడా అందుబాటులో ఉంది. ఇలాంటి కేంద్రాలు జపాన్, దక్షిణ కొరియాలో కూడా ఉన్నాయి. వీఆర్‌ వీడియో చూస్తున్నప్పుడు.. అందులో పాత్రలో తమ కళ్ల ఎదుటే సెక్స్ చేసుకుంటున్నట్లు కనిపిస్తుంది. దీంతో ఈ కేంద్రాలకు డిమాండు విపరీతంగా పెరిగింది.