యువ్ న్యూస్ ఫిల్మ్ బ్యూరో:   ‘మహర్షి’ సినిమా విజయోత్సవ వేడుకను వాయిదా వేశారు. ఈ విషయాన్ని శ్రీ వెంకటేశ్వర క్రియేషన్స్‌ సంస్థ ట్విటర్‌ వేదికగా ప్రకటించింది. జూన్‌ 28న 50 రోజుల విజయోత్సవ వేడుకను మాదాపూర్‌లోని శిల్పకళా వేదికలో నిర్వహించాల్సి ఉంది.  అయితే నటుడు కృష్ణ భార్య విజయనిర్మల బుధవారం రాత్రి చనిపోవడంతో, ఆ ఇంట విషాద ఛాయలు అలుముకున్నాయి. ఈ కారణంగా 'మహర్షి' 50 రోజుల వేడుక కార్యక్రమాన్ని వాయిదా వేశారు. ఈ కార్యక్రమాన్ని మళ్లీ ఎప్పుడు ఎక్కడ నిర్వహిస్తారనేది త్వరలో తెలియజేయనున్నారు.