యువ్ న్యూస్ పొలిటికల్ బ్యూరో:

మాజీ ముఖ్యమంత్రి చంద్రబాబు నాయుడు, టీడీపీకి అనుకూలంగా వ్యవహరిస్తున్న కొన్ని మీడియా సంస్థలపై వైఎస్సార్‌సీపీ ఎంపీ విజయసాయి రెడ్డి ఘాటు వ్యాఖ్యలు చేశారు. చంద్రబాబు నాయుడి అనుకూల మీడియా మళ్లీ ఆయనకు పల్లకి సేవ ప్రారంభించిందని విమర్శించారు. ఉండవల్లిలో చంద్రబాబు నివాసంపై రేగిన వివాదంపై ఆయన మరింత ఘాటుగా విమర్శలు చేశారు. ప్రజాధనం లూటీ చేసిన వారు ఆ మొత్తాలను కక్కక తప్పదని హెచ్చరించారు. ఈ మేరకు ఆయన వరస ట్వీట్లు చేశారు. చంద్రబాబును వెనకేసుకొస్తున్న టీడీపీ నేతలపైనా మండిపడ్డారు.‘అనుకూల మీడియా మళ్లీ చంద్రబాబు పల్లకి సేవ మొదలు పెట్టింది. నదీ పరిరక్షణ చట్టం -1884, ఎన్జీటీ, సీఆర్డీఏ నిబంధనలు నదిని పూడ్చి నిర్మించిన కట్టడాలు అక్రమమని ఘోషిస్తున్నాయి. మీడియా కూడా ఈ చట్టాలు చదవాలి. బాబు నిర్మించాడు కాబట్టి కుల మీడియాకు అవి చారిత్రక కట్టడాల్లా కనిపిస్తున్నాయేమో..’ అని విజయసాయి రెడ్డి విమర్శించారు. ‘తమ అధినేత అవినీతిని సమర్థించడం మినహా కళా వెంకట్రావు చేయగలిగింది ఏముంది. సీఎం జగన్ గారి ఆదేశాల మేరకు అధికారులు వేసిన అంచనాల ప్రకారం.. విద్యుత్తు కొనుగోళ్లపై అదనంగా రూ.2,636 కోట్ల చెల్లింపులు జరిగాయని వెల్లడైంది. ప్రజాధనం లూటీ చేసిన వారు ఆ మొత్తాలను కక్కక తప్పదు’ అని విజయసాయి రెడ్డి ట్వీట్ చేశారు. అనుకూల మీడియా మళ్లీ చంద్రబాబు పల్లకి సేవ మొదలు పెట్టింది. నదీ పరిరక్షణ చట్టం-1884, ఎన్జీటీ, సీఆర్డీఏ నిబంధనలు నదిని పూడ్చి నిర్మించిన కట్టడాలు అక్రమమని ఘోషిస్తున్నాయి. మీడియా కూడా ఈ చట్టాలు చదవాలి. బాబు నిర్మించాడు కాబట్టి కుల మీడియాకు అవి చారిత్రక కట్టడాల్లా కనిపిస్తున్నాయేమో.చంద్రబాబు ప్రభుత్వం రూ.9 కోట్లు వెచ్చించి నిర్మించిన ప్రజావేదిక నాణ్యతపై సోషల్ మీడియాలో ఆసక్తికర కామెంట్లు చేస్తున్నారని విజయసాయి రెడ్డి పేర్కొన్నారు. గణేష్ మండపానికి ఎక్కువ, కోళ్ల షెడ్డుకు తక్కువగా ప్రజా వేదికను నిర్మించారని సోషల్ మీడియాలో నెటిజన్లు చెణుకులు విసురుతున్నారని ఎద్దేవా చేశారు. దాన్నికూల్చడం అనొద్దని.. ఏ రేకుకు ఆ రేకు విప్పారని అనాలని విమర్శలు వస్తున్నట్లు తెలిపారు