‘డిలీట్‌ ఫర్‌ ఎవ్రీవన్‌‌’ కొత్త ఫీచర్‌ను వాట్సాప్‌ బీటాఇన్‌ఫో అప్‌డేట్‌ చేసింది. వాట్సాప్ బీటా (వీ2.18.69) వెర్షన్‌ను వాట్సాప్ అందుబాటులోకి తెచ్చింది. దీనిద్వారా గంట సమయం తర్వాత కూడా ఇతరులకు పంపిన మెసేజ్‌ను డిలీట్ చేయవచ్చు. ప్రస్తుతం 7 నిమిషాల్లోపు మాత్రమే పంపిన మెసేజ్‌ను డిలీట్ చేసే వీలుంది. ఇటీవలే ‘డిలీట్ ఫర్ ఎవ్రీవన్’ అనే అప్‌డేట్‌ను వాట్సాప్ ప్రవేశపెట్టిన సంగతి తెలిసిందే. పొరపాటుగా అనవసరమైన ఓ మెసేజ్‌లను ఇతరులకు పంపిస్తే.. వారు చూడకముందే ఆ మెసేజ్‌ను డిలీట్ చేసే సదుపాయాన్ని దీనిద్వారా కల్పించింది. తాజా అప్‌డేట్‌తో మెసేజ్‌లను 7 నిమిషాల్లోపే కాకుండా గంట తర్వాత కూడా డిలీట్‌ చేసుకోవచ్చు. ఇతరులకు పంపించిన మెసేజ్‌లను 68 నిమిషాల 16 సెకన్లలోపు డిలీట్‌ చేసుకోవచ్చు. (వీ2.18.68) వాట్సాప్ బీటా వెర్షన్‌ ఆండ్రాయిడ్ యూజర్ల కోసం స్టిక్కర్ ఫీచర‌ అప్‌డేట్‌ను కూడా అందిస్తోంది. కానీ, ఆ ఫీచర్ అప్రమేయంగా డిసేబుల్‌గా ఉంటుంది. ఆండ్రాయిడ్‌లో పని చేసే మరో రెండు బీటా వెర్షన్‌ (వీ2.18.70, వీ.2.18.71) లను వాట్సాప్ ప్రవేశపెట్టింది. త్వరలో ఐఫోన్‌లో కూడా ఈ తరహా విధానాన్ని ప్రవేశపెట్టాలని వాట్సాప్ యోచిస్తోంది. మరోవైపు వాట్సాప్ ఫార్వర్డ్‌ మెసేజ్‌ ఫీచర్‌ను కూడా పరీక్షిస్తోన్నట్లు సమాచారం.