యువ్ న్యూస్ జనరల్ బ్యూరో:

దివంగత నేత వైఎస్ రాజశేఖ రెడ్డి  70వ జయంతి  వేడుకలు పాయకరావుపేట లో వైసీపీ నాయకుల ఆధ్వర్యంలో ఘనంగా నిర్వహించారు.పాయకరావుపేట స్థానిక పంచాయతీ కార్యాలయం వద్ద వైఎస్ రాజశేఖర్ రెడ్డి విగ్రహానికి పూల మాలలు వేసి నివాళులర్పించారు.ఈ సందర్భంగా కేక్ కట్ చేసి శుభాకాంక్షలు తెలియజేశారు.1000 మంది పేదలకు అన్నదానం చేశారు.ఈ సందర్భంగా జెడ్.పి ఫ్లోర్ లీడర్ చిక్కాల రామారావు మాట్లాడుతూ తెలుగు ప్రజల గుండెల్లో శాశ్వతంగా నిలిచిపోయిన  పేరు యెడుగూరి సందింటి రాజశేఖరరెడ్డి. ప్రతి ఇంట్లో దేవుడి ఫోటో ఉన్నా లేకపోయినా వైఎస్ చిత్ర పటం మాత్రం ఉంటుందని ఆయన అన్నారు.వై.ఎస్.రాజశేఖర రెడ్డి వ్యక్తిత్వం ఎందరికో ఆదర్శం. రాజకీయాల్లో ఇచ్చిన మాటకు కట్టుబడే వారు కొందరే ఉంటారు. అలాంటి వారిలో వైఎస్సార్ ముందుంటారు. ఎన్నికల సందర్భంగా ఇచ్చిన ప్రతి హామీని నెరవేర్చేందుకు ప్రయత్నించారు. ఎప్పుడూ తెలుగు వారి సంప్రదాయమైన పంచెకట్టులోనే కనిపించేవారు. పంచెకట్టుకి ఆయన గుర్తింపు తీసుకొచ్చారు. ఇక వివిధ సందర్భాల్లో రాజకీయ ప్రత్యర్థులు ఎదురైనప్పుడు నవ్వుతూ పలకరించేవారని అన్నారు.2019 ఎన్నికల హామీలను నెరవేర్చడానికి జగన్ విశ్రాంతి లేకుండా శ్రమిస్తున్నారని అన్నారు.ప్రతి పేదవారికి న్యాయం జరుగుతుందని తెలిపారు. ఈ కార్యక్రమంలో జెడ్.పి ఫ్లోర్ లీడర్ చిక్కాల రామారావు,మండల అధ్యక్షులు దనిశెట్టి బాబురావు,టౌన్ అధ్యక్షులు దగ్గుపల్లి సాయి,లంకా
సూరిబాబు, కాదా రామకృష్ణ తదితరులు పాల్గొన్నారు.