యువ్ న్యూస్ జనరల్ బ్యూరో:

మీ ఇంట్లో స్మార్ట్ టీవీ ఉందా.. రోజూ ఆ టీవీలో ఇంటర్నెట్ ఉపయోగిస్తున్నారా. జాగ్రత్త కేటుగాళ్లు మీ టీవీని హ్యాక్ చేయొచ్చు. మీ ఇంటి గుట్టు మొత్తాన్ని బజారుకు ఈడ్చే ప్రమాదం ఉండొచ్చు. అంతా జరిగిపోయాక నెత్తీ నోరు బాదుకున్నా ఉపయోగం ఉండదు. తాజాగా గుజరాత్‌లోని సూరత్‌లో అదే జరిగింది. ఓ జంట బెడ్‌రూమ్ వీడియో పోర్న్ సైట్‌లో ప్రత్యక్షమయ్యింది. ఏం జరిగిందని పోలీసులకు ఫిర్యాదు చేస్తే.. స్మార్ట్ టీవీ కొంప ముంచినట్లు తేలింది. సూరత్‌‌కు చెందిన ఓ జంట తమ బెడ్‌రూమ్‌లో స్మార్ట్ టీవీ ఉంది. ఆ టీవీలోనే భార్యాభర్తలు రోజూ ఇంటర్నెట్‌ ఉపయోగిస్తున్నారు. భర్తకు పోర్న్ సైట్లు చూసే అలవాటు ఉండటంతో.. కొద్ది రోజుల క్రితం సైట్ చూస్తున్న సమయంలో ఓ వీడియో అతడి కంటపడింది. అనుమానంతో పరిశీలనగా చూస్తే.. అది తన బెడ్‌రూమ్‌లో వీడియోగా గుర్తించాడు. ఆ వీడియోలో ఉంది తాను, భార్యేనని తేలడంతో షాక్ తిన్నాడు. భార్యతో సన్నిహితంగా ఉన్న సమయంలో ఈ వీడియోను రికార్డ్ చేసినట్లు గుర్తించాడు. బాధితుడు పోలీసులకు ఫిర్యాదు చేస్తే పరువు పోతుందని భావించాడట. అందుకే తనకు తెలిసిన సైబర్ ఎక్స్‌పర్ట్స్‌ను సంప్రదించాడట. వారు ఆ జంట ఉంటున్న బెడ్‌రూమ్‌ను పరిశీలించారట. అక్కడ ఏవైనా రహస్య కెమెరాలు ఉన్నాయేమోనని చెక్ చేశారట. ఎలాంటి కెమెరాలు కనిపించకపోడంతో.. వారు అనుమానం స్మార్ట్ టీవీవైపు మళ్లిందట. ఆ టీవీని పరిశీలిస్తే అసలు విషయం తెలిసింది. వారు పోర్న్ సైట్లు చూడటమే ఆ జంట కొంప ముంచినట్లు తేలిందట. పోర్న్ సైట్లలో వీడియో చూసే అలవాటు ఉండటాన్ని హ్యాకర్లు గమనించారట. స్మార్ట్ టీవీకి వైఫై కనెక్ట్ అవ్వడాన్ని గుర్తించి.. స్మార్ట్ టీవీని హ్యాక్ చేశారు. వారి ప్రైవేట్ వీడియోను ఇన్‌బెల్ట్ కెమెరా సహకారంతో రికార్డ్ చేసి.. దానిని పోర్న్ సైట్లలో అప్‌లోడ్ చేసినట్లు తేలిందట. పోలీసులు, సైబర్ ఎక్స్‌పర్ట్స్ అసలు విషయం చెప్పడంతో భార్యాభర్తలు షాక్ తిన్నారట. సైబర్ ఎక్స్‌పర్ట్‌ల సాయంతో ఆ సైట్ నుంచి వీడియోను తీసేయించే పనిలో ఉన్నారట. చిన్న అజాగ్రత్త, స్మార్ట్ టీవీ దెబ్బకు భార్యాభర్తల జీవితం రోడ్డున పడింది. సో స్మార్ట్ కాలంలో జర జాగ్రత్తగా ఉండాలని సూచిస్తున్నారు పోలీసులు.