యువ్ న్యూస్ పొలిటికల్ బ్యూరో:

తాడేపల్లిలో సీఎం నివాసం సమీపంలో నిర్మిస్తోన్న వైఎస్ఆర్సీపీ నూతన కార్యాలయ భవన నిర్మాణం పూర్తయ్యింది. త్వరలో ఈ కార్యాలయాన్ని ప్రారరంభించనున్నారు. హైదరాబాద్‌లోని లోటస్ పాండ్ నుంచి పార్టీ కార్యాలయాన్ని అమరావతికి షిఫ్ట్ చేశాక, కొత్త కార్యాలయం ఇంతవరకూ లేదు. తాడేపల్లిలో ఉన్న సీఎం నివాసంలోనే కొత్త కేంద్ర కార్యాలయం ఉంటుందని అంతా భావించారు. కానీ దాన్ని క్యాంప్ ఆఫీస్‌గా వినియోగిస్తున్నారు. అందుకే పార్టీ కోసం ప్రత్యేకంగా ఆఫీసును ఏర్పాటు చేయాలని జగన్ ఆదేశించారు. అధినేత ఆదేశాలతో అప్పటికే పార్టీ ఆఫీస్ భవనం కోసం నాయకులు వెతుకులాట ప్రారంభించారు. వైఎస్ఆర్సీపీ నేతకు చెందిన భవనం నిర్మాణంలో ఉండటంతో.. దాన్ని పార్టీ ఆఫీసుగా వాడుకుంటామని ప్రతిపాదించడం, ఆ నేత అంగీకరించడం.. ఇలా చకచకా జరిగిపోయాయి. పార్టీ కేంద్ర కార్యాలయం కావడంతో.. దానికి అవసరమైన హంగులు ఏర్పాటు చేస్తున్నారు. చుట్టూ అద్దాలతో, పచ్చదనంతో కూడిన ఈ భవనం చూడగానే వావ్ అనిపిస్తోంది.