యువ్ న్యూస్ స్పోర్ట్స్ బ్యూరో:

ప్రపంచకప్ లో భారత్ పోరాటం ముగిసింది. ఇక మహేంద్రసింగ్ ధోనీ రిటైర్మెంట్ ప్రకటించడమే తరువాయి అంటూ గత నాలుగు రోజుల నుంచి వార్తలు. అతనికి ఎవరూ గుర్తు చేయాల్సిన అవసరం లేదన్న స్టీవ్ వా  భారత మాజీ కెప్టెన్ మహేంద్రసింగ్ ధోనీకి రిటైర్మెంట్ గురించి ఎవరూ గుర్తు చేయాల్సిన అవసరం లేదని ఆస్ట్రేలియా దిగ్గజ క్రికెటర్ స్టీవ్ వా  అభిప్రాయపడ్డాడు. ఇంగ్లాండ్ వేదికగా జరుగుతున్న వన్డే ప్రపంచకప్ నుంచి సెమీస్ లో ఓడిన భారత్ జట్టు టోర్నీ నుంచి నిష్క్రమించిన విషయం తెలిసిందే. ప్రపంచకప్ లో ధోనీ కూడా మునుపటిలా  గెలిపించలేకపోయాడు. ముఖ్యంగా.. స్లాగ్ ఓవర్లలో బ్యాట్తో విరుచుకుపడే ఈ ఫినిషర్.. టోర్నీ ఆఖరి వరకూ ఒక్క మెరుపు ఇన్నింగ్స్ కూడా ఆడలేదు. దీంతో.. ధోనీ ఇక రిటైర్మెంట్ ప్రకటించేస్తాడంటూ గత నాలుగు రోజులు నుంచి ధారాళంగా వార్తలు వస్తున్నాయి. అయితే.. చాలా మంది మాజీ క్రికెటర్లు మాత్రం..రిటైర్మెంట్ ప్రకటించొద్దంటూ ధోనీకి సూచనలు చేస్తున్నారు.
ధోనీ రిటైర్మెంట్ వార్తలపై తాజాగా స్టీవ్   వా మాట్లాడుతూ ‘ప్రపంచకప్ లో భారత్ జట్టు ఓటమికి ధోనీని నిందించడం సరికాదు. సుదీర్ఘకాలంగా తన బ్యాటింగ్తో టీమిండియాకి వెన్నెముకలా ధోనీ నిలిచాడు. సెమీస్ ఓటమితో క్రికెట్కి ధోనీ రిటైర్మెంట్ ప్రకటించేస్తాడని అందరూ ఊహిస్తున్నారు. కానీ.. ఎప్పుడు రిటైర్మెంట్ ప్రకటించాలి అనేదాని పై ధోనీకి పూర్తి అవగాహన ఉంది. వీడ్కోలుపై ఎవరూ ఏమీ అతనికి గుర్తు చేయాల్సిన అవసరం లేదు’ అని స్టీవ్ వా  వెల్లడించాడు.
ప్రపంచకప్ లో ధోనీ నిలకడగా ఆడినప్పటికీ.. అభిమానులు అతడి నుంచి మునుపటిలా ధనాధన్ ఇన్నింగ్స్  ఆశిస్తూ వచ్చారు. ముఖ్యంగా.. అఫ్గానిస్థాన్, ఇంగ్లాండ్, బంగ్లాదేశ్ తోపాటు న్యూజిలాండ్పై కీలకమైన సెమీస్ మ్యాచ్లోనూ ధోనీ తన నెమ్మదైన ఇన్నింగ్స్ అందర్నీ నిరాశపరిచాడు. దీంతో.. ధోనీ రిటైర్మెంట్ పై ఒకవైపు డిమాండ్స్ పెరుగుతుండగా.. మరోవైపు ఇప్పుడే వీడ్కోలు చెప్పొద్దంటూ మద్దతు కూడా లభిస్తోంది.