విద్యాబుద్ధులు నేర్పాల్సిన ఆ టీచర్ 13 ఏళ్ల విద్యార్థిని లోబరుచుకుని, తరగతిలోనే సెక్స్ చేయడం సంచలనం సృష్టించింది. గుట్టుచప్పుడు కాకుండా సాగుతున్న వారి అక్రమ సంబంధాన్ని ఓ యాప్ బహిర్గతం చేసింది. దీంతో ఆమె పోలీసులకు చిక్కింది. శుక్రవారం ఈ కేసు విచారించిన కోర్టు ఆమెకు 20 ఏళ్ల జైలు శిక్ష విధించింది. ఆరిజోనాలోని గుడ్‌ఇయర్‌లో చోటుచేసుకున్న ఈ అరాచక ఘటన వివరాలు ఇలా ఉన్నాయి. 28 ఏళ్ల మాజీ ఉపాధ్యాయురాలు బ్రిట్టానీ జమోరా 2018లో లాస్ బరిసాస్ అకాడమీలోని 13 ఏళ్ల విద్యార్థితో స్నేహం పెంచుకుంది. ఇద్దరూ ఫోన్లలో మెసేజ్‌లు పంపుకునేవారు. ఈ సందర్భంగా ఆమె తన నగ్న ఫొటోలను విద్యార్థికి పంపేది. ఆ తర్వాత అతడితో శారీరక సంబంధం కూడా పెట్టుకుంది. తరగతి గదిలో మూడుసార్లు, కారులో ఒకసారి అతడితో సెక్స్‌లో పాల్గొంది.  విద్యార్థిపై అనుమానంతో తల్లిదండ్రులు అతడు వాడుతున్న స్మార్ట్ ఫోన్లో ‘సెంట్రీ పేరంటల్ కంట్రోల్’ యాప్‌ను ఇన్‌స్టాల్ చేశారు. అందులో మెసేజింగ్ యాప్‌ను వారి ఫోన్‌కు అనుసంధానం చేసుకుని నిఘా ఉంచారు. అతడు ఆ టీచర్‌తో అసభ్యకరంగా చాట్ చేయడం, నగ్న ఫొటోలను పంచుకోవడం చూసి తల్లిదండ్రులు షాకయ్యారు. వెంటనే పోలీసులకు ఫిర్యాదు చేశారు. దీంతో పోలీసులు ఆమెను అరెస్టు చేసి కోర్టు ముందు హాజరుపరిచారు. ఈ ఘటన తర్వాత స్కూల్ యాజమాన్యం ఆమెను ఉద్యోగం నుంచి తొలగించింది.  కోర్టుకు హాజరైన జమోరా విద్యార్థితో లైంగిక సంబంధం ఉన్న సంగతి అంగీకరించింది. విద్యార్థి తల్లిదండ్రులకు క్షమాపణలు చెప్పింది. అయితే, విద్యార్థి తల్లిదండ్రులు ఇందుకు అంగీకరించలేదు. ‘‘ఆమె మా నమ్మకాన్ని చంపేసింది. ఆమెతో పరిచయానికి ముందు నా బిడ్డ ఎంతో అమాయకంగా ఉండేవాడు. కానీ, ఆ అమాయకత్వాన్ని ఆమె లాగేసుకుంది. అతడితో లైంగిక సంబంధం పెట్టుకుని అసభ్యంగా మార్చేసింది. ఆమెకు శిక్ష పడాల్సిందే’’ అని విద్యార్థి తల్లి కోర్టుకు విన్నించింది. దీంతో కోర్టు ఆమెకు 20 ఏళ్ల జైలు శిక్ష విధించింది. కోర్టు తీర్పు తర్వాత ఆమె మాట్లాడుతూ.. తన వల్ల సమాజానికి ఎలాంటి నష్టం ఉండబోదని, శిక్ష తగ్గించాలని కోరింది. అయితే, కోర్టు అంగీకరించలేదు. ఈ సంబంధానికి ముందే జమోరాకు వివాహం జరిగింది. ఈ ఘటనపై ఆమె భర్త స్పందిస్తూ ఆమె మనసు చాలా మంచిదని, చేసిన తప్పుకు ఆమెకు కుమిలిపోతోందని తెలిపాడు. కోర్టు ఆమెను క్షమించి వదిలిపెట్టాలని ‘యూకే’ మీడియాతో వెల్లడించాడు.  చిన్న వయస్సులో పిల్లలు త్వరగా చెడు వైపు మొగ్గు చూపే ప్రమాదం ఉంది. ఆడ పిల్లలైనా, మగ పిల్లలైనా తెలిసీ తెలియని వయస్సులో చెడుకు ఆకర్షితులవుతారు. తల్లిదండ్రులు వారిపై నిఘా ఉంచి తప్పుడు మార్గం వైపు ప్రయాణించకుండా జాగ్రత్తగా ఉండాలి. ముఖ్యంగా మొబైల్ ఫోన్లు.. ఇంటర్నెట్‌కు వారిని దూరంగా ఉంచడం ఉత్తమం.