బిగ్ బాస్ సీజన్ 3పై విమర్శల పర్వం నడుస్తోంది.. ఈ షోకి సెలెక్ట్ అయిన కంటెస్టెంట్స్ ఒక్కొక్కరుగా బయటకు వచ్చి బిగ్ బాస్‌‌లో కమిట్మెంట్ అడుగుతున్నారని సంచలన ఆరోపణలు చేస్తుండగా.. ఈ షోని నిలిపివేయాలంటూ హైకోర్ట్‌లో ఫిల్ దాఖలైంది. ఈ తరుణంలో తనను బిగ్ బాస్ వాళ్ళు ఎలా అప్రోచ్ అయ్యారు? అసలు ఏం జరిగిందన్న దానిపై క్లారిటీ ఇచ్చారు నటి గాయత్రి గుప్తా. ఓ యూట్యూబ్ ఛానల్‌కి ఇచ్చిన ఇంటర్వ్యూలో ఆమె మాట్లాడుతూ.. ‘100 రోజులు సెక్స్‌కి దూరంగా ఉంటారా? అని బిగ్ బాస్ వాళ్లు నన్ను అడిగినప్పుడు కూడా నాకు బాధ కలగలేదు. ఎందుకంటే క్యాస్టింగ్ కౌచ్ లొల్లి చూసి ఆ ప్రశ్న కూడా నార్మల్‌గా అనిపించింది. కాని ఇప్పుడు నిర్భయ చట్టం రూల్స్ చూశాక అంత పెద్ద విషయాన్ని నేను ఎలా లైట్ తీసుకున్నానా అనిపించింది. ప్రపంచంలో ఏదైతే సేల్ అవుతున్నాయో దానికే ఎక్కువ ప్రాధాన్యత ఇస్తున్నారు. అమ్మాయి స్కిన్, సెక్సువల్ కంటెంట్ ఇవి ఎక్కువ సేల్ అవుతున్నాయి. అలాగే బిగ్ బాస్ వంటి రియాలిటీ షోకి అలాంటి కంటెంట్ ఉన్న ప్రశ్నలు అడగటం నచ్చలేదు. ఇది ఐటమ్ సాంగ్స్ ఉన్న సాంగ్ కాదు.. బోల్డ్ కంటెంట్ ఉన్న షో కాదు. అందులో ఈ ప్రశ్న వేయడం కరెక్ట్ కాదనిపించింది. నన్ను రెండు నెలల క్రితం బిగ్ బాస్ వాళ్లు అప్రోజ్ అయ్యారు. ఫస్ట్ ఇంట్రస్ ఉందా అని అడిగారు. నిజం చెప్పాలంటే.. నాకు చిన్నప్పటి నుండి టీవీ చూడటం మా పేరెంట్స్ అలవాటు చేయలేదు. అయితే నాకు ఎంటర్‌టై‌న్మెంట్ ఫీల్డ్ ఇష్టం. నేను సింగర్‌ని రైటర్‌ని ఫిల్మ్ మేకింగ్ అంటే ఇష్టం. అయినప్పటికీ టీవీ చూడటం ఇష్టం లేదు. నాకు షో చేయడం.. మూవీ చేయడం అలవాటు తప్పితే సినిమాలు కూడా పెద్దగా చూడను. ప్రీమియర్ షోలు మాత్రమే చూస్తుంటా. నిజానికి బిగ్ బాస్ షో ఒక్క సీజన్ కూడా నేను చూడలేదు. హిందీలో ఫస్ట్ సీజన్ వచ్చినప్పుడు ఒకటి రెండు రోజులు చూశా. కాని చాలా కామన్‌గా అనిపించింది. కాని హైప్ విపరీతమైన హైప్ రావడం ఇంట్రస్టింగ్‌గా అనిపించింది. తెలుగులో అయితే ఒక్క ఎపిసోడ్ కూడా చూడలేదు. కాని బిగ్ బాస్ వాళ్లు నన్ను అప్రోజ్ అయ్యాక.. జీవితంలో ప్రైవసీ అనేది ఉండదు అనేది వాస్తవంలో అనుభవ పూర్వకంగా తెలుసుకున్నా. నా ఇంట్లో కూడా ఒక కెమెరా ఉందనే ఆలోచనతో ఉంటేనే నేను సేఫ్‌గా బ్రతకగలుగుతాను అని అనుకున్నా. బిగ్ బాస్ షోలో కూడా కెమెరాలు ఉంటాయి.. నాకు కనెక్ట్ అవుతుంది అనుకున్నా. పబ్లిక్‌లో నేను ఏంటో అందరికీ తెలుసు. నేను ఇప్పుడు ఎలా ఉన్నానో బిగ్ బాస్ హౌస్‌లో అలాగే ఉంటా అనుకున్నా. ఇక నేను బిగ్ బాస్‌కి వెళ్లడానికి ఒప్పుకున్నది ప్రధాన కారణం నాకు డబ్బులు అవసరం. వాళ్లు ఆఫర్ చేసిన పేమెంట్ నచ్చడంతో.. బిగ్ బాస్‌కి వెళ్లాలని డిసైడ్ అయ్యా. దాంతో నేను సినిమా తీయొచ్చు అనుకున్నా. కాని అక్కడకు వెళ్లాక.. 100 రోజుల పాటు సెక్స్ లేకుండా ఉండగలుగుతారా? అని అడగడంతో.. ఏం ప్రశ్న అండి.. అంత అవసరం లేదు నాకు. దానికి వర్రీ కాకండి అన్నా.. మీకేమైనా హెల్త్ ప్రాబ్లమ్ ఉందా? అని అడిగారు. ఆటోఇమ్యునిటీ అనేది ఉందని చెప్పా.. బరువులు ఎత్తలేను. ఫిజియోథెరఫీ చేయించుకోవాలని చెప్పా. అయినా సినిమాలు తరచూ చేస్తుంటా.. ఇబ్బంది ఏం ఉండదని చెప్పా. దానికి వాళ్లు ఏం పర్లేదు. మేం చూసుకుంటాం అన్నారు. ఇదే ఫస్ట్ సిటింగ్‌లో జరిగింది. ఇక రెండో సిట్టింగ్‌లో మళ్లీ మాట్లాడారు. మూడోసారి అభిషేక్, రవి, రఘు అనే ముగ్గురూ మా ఇంటికి వచ్చారు. ముంబై నుండి వచ్చిన అభిషేక్.. నన్ను సెక్స్ లేకుండా 100 రోజులు ఉంటావా అని అడిగారు. అక్కడ వాళ్లకు సెక్స్ కామన్‌ కాబట్టి లైట్‌లే అనుకున్నా. ఈ బిగ్ బాస్ షోకి ఫిజికల్‌ టాస్క్‌లు పెద్దగా ఉండవని మీరు చేయలేకపోయినా పక్క వాళ్లతో చేయించవచ్చని అతనే చెప్పారు. తరువాత హెచ్ ఆర్ డిపార్ట్‌మెంట్ నుండి ఒకరు వచ్చి.. వీళ్ల ముగ్గురు ముందు అగ్రిమెంట్ సైన్ చేయించుకున్నారు. అమౌంట్ కూడా ఫిక్స్ చేశారు. నాకు అగ్రిమెంట్ పేపర్స్ కాపీ ఇవ్వమంటే.. రెండు రోజుల్లో ఇస్తాం అన్నారు. మీరు కన్ఫామ్ అన్నారు.. వేరే ప్రాజెక్ట్‌లు చేయొద్దన్నారు. జూలై 15 లోపే మీ పనులు ఉంటే చూసుకోమని చెప్పారు. ఆ డేట్ నుండి 100 రోజుల వరకూ ఎలాంటి ప్రాజెక్ట్ పెట్టుకోకూడదని చెప్పారు. దీంతో నా ప్రాజెక్ట్స్ అన్నీ క్యాన్సిల్ చేసుకున్నాను. రెండు నెలల తరువాత ఫోన్ చేసి మీరు సెలెక్ట్ కాలేదన్నారు.. కారణం అడిగితే హెల్త్ ఇష్యూస్ ఉన్నాయన్నారు కదా.. అందుకే మిమ్మల్ని సెలెక్ట్ చేయడం లేదని అన్నారు. నాకు హెల్త్ ఇష్యూ ఉందని చెప్పిన తరువాత 5 మీటింగ్స్ జరిగాయి. అన్ని మీటింగ్స్ రాని హెల్త్ ఇష్యూ.. రెండు నెలల తరువాత గుర్తుకు వచ్చింది. అప్పుడు నేను నన్ను బిగ్ బాస్ హౌస్‌కి అయినా తీసుకోండి.. లేదంటూ అగ్రిమెంట్‌లో ఉన్న అమౌంట్ అయినా ఇవ్వండని అడిగా.. ఎందుకంటే మీ వల్ల నా ప్రాజెక్ట్స్ అన్నీ క్యాన్సిల్ చేసుకున్నా. కొత్త దర్శకులు చాలా మంది నన్ను సంప్రదించారు.. అవన్నీ వదిలేశా. ఇంచు మించు ఐదారు సినిమాలు వదిలేశా. కేవలం బిగ్ బాస్ కోసం. నేను నష్టపోతున్నా న్యాయం చేయమన్నా. వాళ్ల నుండి స్పందన లేకపోవడంతో ఇలా బయటకు రావాల్సి వచ్చిందన్నారు గాయత్రి గుప్తా.