కేంద్ర ప్రభుత్వం ఉద్యోగులకు షాకిచ్చింది. జనరల్ ప్రావిడెంట్ ఫండ్ (జీపీఎఫ్) వడ్డీ రేటును తగ్గించింది. ఇతర ఫండ్స్ వడ్డీ రేట్లలో కూడా కోత విధించింది. ఆర్థిక వ్యవస్థలో వడ్డీ రేట్లు తక్కువగా ఉండటంతో ప్రభుత్వం ఈ నిర్ణయం తీసుకుంది. జూలై-సెప్టెంబర్ కాలానికి సంబంధించి జనరల్ ప్రావిడెంట్ ఫండ్‌పై సబ్‌స్క్రైబర్లకు 7.9 శాతం వడ్డీ లభిస్తుంది. గత త్రైమాసికంలో జీపీఎఫ్ వడ్డీ రేటు 8 శాతంగా ఉంది. కేంద్ర ప్రభుత్వ ఉద్యోగులు, రైల్వే ఎంప్లాయీస్, డిఫెన్స్ రంగానికి చెందిన ఉద్యోగులకు ఈ రేట్ల తగ్గింపు వర్తిస్తుంది. ప్రస్తుత జనరల్ ప్రావిడెంట్ ఫండ్ వడ్డీ రేటు పబ్లిక్ ప్రావిడెంట్ ఫండ్ వడ్డీ రేటుకు సమానంగా ఉండటం గమనార్హం. వడ్డీ తగ్గింపు నిర్ణయం జూలై 1 నుంచే అమలులోకి వస్తుందని ఆర్థిక శాఖ తాజాగా ఒక నోటిఫికేషన్‌లో పేర్కొంది. సెప్టెంబర్ 30 వరకు కొత్త రేటు అమలులో ఉంటుంది.
ఇతర ఫండ్స్..
✺ జనరల్ ప్రావిడెంట్ ఫండ్ (సెంట్రల్ సర్వీసెస్)
✺ కాంట్రిబ్యూటరీ ప్రావిడెంట్ ఫండ్
✺ ఆల్ ఇండియా సర్వీసెసర్ ప్రావిడెంట్ ఫండ్
✺ స్టేట్ రైల్వే ప్రావిడెంట్ ఫండ్
✺ జనరల్ ప్రావిడెంట్ ఫండ్ (డిఫెన్స్ సర్వీసెసర్)
✺ ఇండియన్ ఆర్డినెన్స్ డిపార్ట్‌మెంట్ ప్రావిడెంట్ ఫండ్
✺ ఇండియన్ ఆర్డినెన్స్ ఫ్యాక్టరీస్ వర్క్‌మెన్స్ ప్రావిడెంట్ ఫండ్
✺ ఇండియన్ నేవీ డక్‌యార్డ్ వర్క్‌మెన్స్ ప్రావిడెంట్ ఫండ్
✺ డిఫెన్స్ సర్వీసెస్ ఆఫీసర్స్ ప్రావిడెంట్ ఫండ్
✺ అర్మ్‌డ్ ఫోర్సెస్ పర్సెనెల్ ప్రావిడెంట్ ఫండ్

పైన పేర్కొన్న ఫండ్స్ అన్నింటికీ రేటు కోత వర్తిస్తుంది. ఇకపోతే ప్రభుత్వం చివరగా అక్టోబర్-డిసెంబర్ త్రైమాసికానికి సంబంధించి వడ్డీ రేటును పెంచింది. తర్వాత అప్పటి నుంచి వడ్డీ రేటు స్థిరంగానే ఉంటూ వచ్చింది. ఇప్పుడు మళ్లీ తగ్గించింది