వరల్డ్ బిగ్గెస్ట్ రియాలిటీ షో బిగ్ బాస్ ఆదివారం నాటితో సక్సెస్‌పుల్‌గా తొలి వారం కంప్లీట్ చేసుకుని టాప్ రేటింగ్స్‌తో దూసుకుపోతుంది. కింగ్ నాగార్జున హోస్ట్ చేస్తున్న ఈ రియాలిటీ షోకి బుల్లితెర ప్రేక్షకుల నుండే కాకుండా సినీ ప్రేక్షకులు కూడా బ్రహ్మరథం పడుతుండటంతో టీఆర్పీ రేటింగ్స్‌లో టాప్ ప్లేస్‌‌కి పోటీ పడుతుంది స్టార్ మా. 15 కంటెస్టెంట్స్‌.. 100 రోజుల పాటు బిగ్ బాస్ టైటిల్‌కోసం నువ్వా.. నేనా అంటూ పోటీ పడుతున్నారు. తొలి ఎలిమినేషన్‌లో భాగంగా హేమ ఇంటి బయటకు వచ్చేసిన విషయం తెలిసిందే. ఇదిలాఉంటే.. బిగ్ బాస్‌ షోపై విమర్శల దాడి పెంచింది వివాదాస్పద నటి శ్రీరెడ్డి. కంటెస్టెంట్‌గా బిగ్ బాస్ ఎంట్రీ ఉంటుందని ఆశపడి భంగపడ్డ శ్రీరెడ్డి.. హోస్ట్ నాగార్జునపై తీవ్ర వ్యాఖ్యలు చేసిన విషయం తెలిసిందే. ‘నాగార్జున గారికి తెలిసినన్ని పాలిటిక్స్ చంద్రబాబు గారికి కూడా తెలీవు. డబ్బిస్తే బిగ్ బాస్ హీరో. ఇవ్వకపోతే బిగ్ బాస్ గాడు ఒక ఎదవ’ అంటూ నాగార్జునను ఉద్దేశించి పోస్ట్ వదిలిన శ్రీరెడ్డి.. తాజాగా మరో పోస్ట్ పెట్టింది. బిగ్ బాస్ సీజన్ 3 ప్రారంభానికి ముందు.. ఆడిషన్స్‌లో భాగంగా తమపై బిగ్ బాస్ నిర్వహకులు అనుచితంగా వ్యవహరించారని.. క్యాస్టింగ్ కౌచ్ ఆరోపణలతో ఢిల్లీ స్థాయిలో ఉద్యమాన్ని లేవనెత్తిన యాంకర్ శ్వేతారెడ్డికి మద్దతుగా నిలుస్తూ పోస్ట్ పెట్టింది శ్రీరెడ్డి. శ్వేతా రెడ్డి గారూ.. మీ దెబ్బకి బిగ్ బాస్ తెలుగు అట్టర్ ఫ్లాప్.. నాకు తమిళ బిగ్ బాస్ బాగా నచ్చింది. నా సపోర్ట్ మీకే శ్వేతా రెడ్డి’ అంటూ కామెంట్ చేసింది శ్రీరెడ్డి. ఇక వైల్డ్ కార్డ్ ఎంట్రీతో బిగ్ బాస్ హౌస్‌లోకి అడుగుపెట్టిన తమన్నాని ఉద్దేశించి ‘తమన్నాకి బిగ్ భయ్యా దొరికాడు.. నాగార్జున భయ్యా సెలక్షన్. సారీ రివేంజ్ బావుంది.. సోనా ఈజ్ బెస్ట్’ అంటూ వివాదాస్పద వ్యాఖ్యలు చేసింది శ్రీరెడ్డి.