యువ్ న్యూస్ ఫిల్మ్ బ్యూరో:

విజయ్ దేవరకొండ, రష్మిక మందన జంటగా నటించిన చిత్రం ‘డియర్ కామ్రేడ్’ బాక్సాఫీసు వద్ద మంచి వసూళ్లు రాబడుతోంది. ఈనెల 26న విడుదలైన ఈ చిత్రంపై మిశ్రమ స్పందన వచ్చినా కలెక్షన్లు మాత్రం బాగానే ఉన్నాయి. సినిమా విషయం ఎలా ఉన్నా విజయ్, రష్మికల నటన అద్భుతంగా ఉందంటూ అంతా కొనియాడుతున్నారు. ముఖ్యంగా రష్మిక జీవించేసిందని, భావోద్వేగ సన్నివేశాల్లో ఆమె నటన అద్భుతమని ప్రశంసలు కురిపిస్తున్నారు. రష్మిక తల్లి సుమన్ మందన కూడా తన కూతురుపై ప్రశంసల వర్షం కురిపించారు.
ఇటీవల ‘డియర్ కామ్రేడ్’ సినిమా చూసిన సుమన్ తన కుమార్తెను పొడుగుతూ ట్వీట్ చేశారు. ‘డియర్ లిల్లీ, నువ్వు నీ తల్లిదండ్రులను గర్వపడేలా చేశావు. నువ్వు ఎంచుకున్న ఫీల్డ్లో అద్భుతంగా రాణిస్తున్నందుకు నాకు చాలా సంతోషంగా ఉంది! ఐ లవ్ యూ బేబీ. విజయ్ దేవరకొండ.. నువ్వు చాలా అద్భుతంగా చేశావు. నీ భవిష్యత్తు ఎంతో బాగుండాలని కోరుకుంటున్నాను. భరత్ - బ్రిల్లియంట్. ఆల్ ది బెస్ట్. మైత్రీ మూవీ మేకర్స్కి కృతజ్ఞతలు’ అని సుమన్ తన ట్వీట్లో పేర్కొన్నారు.
ఈ ట్వీట్కు రష్మిక స్పందించారు. ‘మమ్మీ థాంక్యూ.. ఐ లవ్ యూ టూ. సినిమాను ఇంకోసారి చూడు. కొత్త వర్షన్ నీకు ఎంతబాగా నచ్చిందో నాకు, టీమ్కి చెప్పు’ అని రష్మిక పేర్కొన్నారు.
రష్మిక రిప్లైకి ఆమె తల్లి స్పందించారు. ఇంకా ఎక్కువగా కష్టపడి అందరి ఆశీర్వాదాలు పొందాలని, ఇంకా ఎక్కువ సంతోషంగా ఉండాలని కూతురుని దీవించారు. ప్రస్తుతం రష్మిక చేస్తున్న జర్నీని ఎంజాయ్ చేయమని సూచించారు.
ఆ తరవాత రష్మిక ఇచ్చిన రిప్లై ఆసక్తికరంగా ఉంది. అందరూ ఈ ట్వీట్ కాన్వర్జేషన్ వైపు చూసేలా చేసింది. ‘అమ్మా.. నువ్వొక విషయం తెలుసుకోవాలి. నీకు ఫోన్ ఉంది.. నాకూ ఫోన్ ఉంది. నువ్వెప్పుడైనా నాకు కాల్ చేయొచ్చు. జనాలు ట్వీట్లు చదువుతున్నారు. చాలా ఇబ్బందిగా ఉంది’ అని రష్మిక పేర్కొ్న్నారు. ఆశ్చర్యం వ్యక్తపరిచే ఒక ఎమోజీని కూడా పెట్టారు. ఇలా తల్లీకూతుళ్ల మధ్య జరిగిన సంభాషణ బాగా హైలైట్ అయ్యింది.