కార్తి చిదంబరానికిఐఎన్ఎక్స్ మీడియా మనీలాండరింగ్ కేసు విషయమై ఢిల్లీ హైకోర్టులో కాస్త ఊరట లభించింది. మనీలాండరింగ్ కేసులో కార్తి చిదంబరం సీబీఐ కస్టడీని పాటియాలా హౌజ్ సీబీఐ ప్రత్యేక కోర్టు మరో మూడు రోజుల పాటు పొడగించింది. కార్తి చిదంబరంను మరో ఆరు రోజుల పాటు తమ కస్టడీలో ఉంచుకుని ప్రశ్నించేందుకు అనుమతివ్వాలని కోర్టును సీబీఐ కోరింది. దీనిపై ఇరు వాదనలు విన్న కోర్టు...సీబీఐ కస్టడీని మూడు రోజులు పొడగిస్తూ రూలింగ్ ఇచ్చింది. కానీ తాజాగా మనీలాండరింగ్ కేసులో ఈ నెల 20 వరకు కార్తి చిదంబరంను  అరెస్టు చేయరాదని ఎన్‌ఫోర్స్‌మెంట్ డైరెక్టరేట్ (ఈడీ)ని ఆదేశించింది. కార్తికి స్పెషల్ సీబీఐ కోర్టు బెయిలును మంజూరు చేసినట్లయితే, హైకోర్టులో తదుపరి విచారణ జరిగే వరకు ఈడీ కార్తిని అరెస్టు చేయరాదని స్పష్టం చేసింది. 

#INXMediaCase: Karti Chidambaram files caveat in Supreme Court, appeals to SC to not give any order without hearing him if Enforcement Directorate challenges yesterday's interim order in the case. (file pic) pic.twitter.com/kgKCa9IjdC

— ANI (@ANI) March 10, 2018