దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్‌బీఐ) తన ఖాతాదారులకు అదిరిపోయే తీపికబురు అందించింది. వివిధ ఫైనాన్షియల్ ప్రొడక్టులపై పండుగ డిస్కౌంట్‌ ఆఫర్ చేస్తోంది. కస్టమర్లు హోమ్ లోన్స్, వాహన రుణాలను తక్కువ వడ్డీకే సొంతం చేసుకోవచ్చు. స్టేట్ బ్యాంక్ అంతేకాకుండా రుణాలపై జీరో ప్రాసెసింగ్ ఫీజు ఆఫర్ కూడా అందిస్తోంది. ప్రి-అప్రూవ్‌డ్ డిజిటల్ రుణాలు పొందొచ్చు. ఎక్కువ మంది కస్టమర్లను ఆకట్టుకునేందుకు ఎస్‌బీఐ ఈ ఆఫర్లు అందిస్తోంది. అయితే ఈ ఆఫర్ల టైమ్‌ను మాత్రం బ్యాంక్ వెల్లడించలేదు. కారు లోన్ తీసుకున్న వారికి ప్రాసెసింగ్ ఫీజు మాఫీ చేస్తామని బ్యాంక్ తెలిపింది. అలాగే 8.7 శాతం ప్రారంభ వడ్డీ రేటుతో రుణాలు అందిస్తామని పేర్కొంది. అలాగే వడ్డీ రేట్లలో పెరుగుదల ఉండదని తెలిపింది. రుణం కోసం యోనో లేదా వెబ్‌సైట్ ద్వారా ఆన్‌లైన్ అప్లై చేసుకుంటే వడ్డీ రేటుపై 25 బేసిస్ పాయింట్ల రాయితీ పొందొచ్చని పేర్కొంది. ఇకపోతే బ్యాంక్ మరోసారి ఫిక్స్‌డ్ డిపాజిట్లపై వడ్డీ రేట్లు తగ్గించింది. రిటైల్ ఎఫ్‌డీ రేట్లలో 10-50 బేసిస్ పాయింట్ల మధ్యలో కోత విధించింది. అదే బల్క్ డిపాజిట్లపై రేట్లను 30-70 బేసిస్ పాయింట్ల మధ్యలో తగ్గించింది. ఆగస్ట్ 26 అనుంచి ఈ నిర్ణయం అమలులోకి వచ్చింది. బ్యాంక్ ఆగస్ట్ 1న కూడా ఎఫ్‌డీ
రేట్లలో కోత విధించింది. అంటే నెల రోజుల వ్యవధిలో వడ్డీ రేట్లు తగ్గడం ఇది రెండోసారి.